നടന് മാള അരവിന്ദനെ അനുസ്മരിക്കാന്‍ സിനിമാ മേഖലയില്‍ നിന്നും ആരും തയാറാവുന്നില്ലെന്ന് പരാതി. മാള അരവിന്ദന്‍ ഫൗണ്ടേഷന്‍ ആണ് ‘അമ്മ’ സംഘടനയ്ക്ക് കത്തുമായി രംഗത്തെത്തിയിരിക്കുന്നത്. മാളയെ അനുസ്മരിക്കാന്‍ സിനിമയില്‍ നിന്നും ആരെയെങ്കിലും തരപ്പെടുത്തണമെന്ന് ആവശ്യപ്പെട്ട് അമ്മ സംഘടന ഭാരവാഹികള്‍ക്ക് കത്ത് നല്‍കി.
മോഹന്‍ലാല്‍, ഇടവേള ബാബു എന്നിവര്‍ക്കാണ് മാള ഫൗണ്ടേഷന്‍ ജനറല്‍ സെക്രട്ടറി ഷാന്റി ജോസഫ് തട്ടകത്ത് കത്തയച്ചത്. മാളയുടെ ചരമവാര്‍ഷികത്തോട് അനുബന്ധിച്ചുള്ള അനുസ്മരണച്ചടങ്ങിലേക്ക് കഴിഞ്ഞ എട്ട് വര്‍ഷവും സിനിമാരംഗത്തുള്ളവരെ പങ്കെടുപ്പിക്കുന്നതിനായി പ്രയാസപ്പെടുകയായിരുന്നു.
ഇത്തവണ ആരും തയറായിട്ടില്ല. അതുകൊണ്ട് തന്നെ ഫെബ്രുവരിയില്‍ നടത്താനിരുന്ന ചടങ്ങ് നടത്താനായിട്ടില്ല. ദേവന്‍, നാദിര്‍ഷാ, ആര്‍എല്‍വി രാമകൃഷ്ണന്‍ എന്നിവര്‍ മാത്രമാണ് ഇതുവരെ മാളയുടെ അനുസ്മരണച്ചടങ്ങില്‍ പങ്കെടുത്തിട്ടുള്ളത്.
അറുനൂറോളം മലയാള സിനിമകളില്‍ അഭിനയിച്ചിട്ടുള്ള മാളയുടെ അനുസ്മരണച്ചടങ്ങിലേക്ക് ക്ഷണിക്കുമ്പോള്‍ പലരും ഒഴിഞ്ഞുമാറുന്ന അവസ്ഥയുണ്ട്. പിന്നാക്ക വിഭാഗക്കാരനായതിനാലാണ് സര്‍ക്കാര്‍ സ്മാരകം പോലും നിര്‍മ്മിക്കാതെ മാളയോട് അവഗണന കാണിക്കുന്നത്.
ഇക്കാര്യത്തില്‍ അമ്മ സംഘടന ഇടപെട്ടില്ല. സഹപ്രവര്‍ത്തകരുടെ അനുസ്മരണച്ചടങ്ങുകളില്‍ അംഗങ്ങള്‍ പങ്കെടുക്കണമെന്ന നിര്‍ദേശം സംഘടന മുന്നോട്ട് വയ്ക്കണം എന്നാണ് മോഹന്‍ലാലിനും ഇടവേള ബാബുവിനും അയച്ച കത്തില്‍ പറയുന്നത്. 2015ല്‍ ജനുവരി 28ന് ആണ് മാള അന്തരിച്ചത്.
നിരവധി കഥാപാത്രങ്ങളിലൂടെ മലയാളികളെ പൊട്ടിച്ചിരിപ്പിക്കുകയും കാരക്ടര്‍ റോളുകളിലൂടെ വിസ്മയിപ്പിക്കുകയും ചെയ്ത നടനാണ് ദിലീപ്. കലാഭവനിലൂടെ കലാജീവിതം ആരംഭിച്ച ദിലീപ് മിമിക്രി രംഗത്ത്...
ബോളിവുഡ് നടന് സല്‍മാന്‍ ഖാന്റെ വീടിനുനേരെ വെടിവെപ്പ് നടന്ന കേസില്‍ അറസ്റ്റിലായ പ്രതികളിലൊരാള്‍ പോലീസ് കസ്റ്റഡിയില്‍ ആത്മഹത്യ ചെയ്തു. ഏപ്രില്‍ 26...
രജനികാന്ത് ലോകേഷ് കനകരാജ് കൂട്ടുക്കെട്ടിലൊരുങ്ങുന്ന ഏറ്റവും പുതിയ ചിത്രമാണ് ‘കൂലി. ഇപ്പോഴിതാ ഈ ചിത്രത്തിനെതിരെ പരാതിയുമായി രംഗത്തെത്തിയിരിക്കുകയാണ് സംഗീത സംവിധായകന്‍ ഇളയരാജ....
തെരഞ്ഞെടുപ്പ് ചൂട് കഴിഞ്ഞപ്പോള്‍, സിനിമയുടെ തിരക്കിലേക്ക് കടന്ന് കൊല്ലത്തെ ഇടതു സ്ഥാനാര്‍ഥിയും നടനുമായ എം മുകേഷ്. എം എ നിഷാദ് സംവിധാനം...
തമിഴകത്ത് ഇപ്പോള്‍ റീ റീലിസുകളുടെ കാലമാണ്. അടുത്തിടെയായി നിരവധി ചിത്രങ്ങളാണ് പുറത്തെത്തിയത്. ഇപ്പോഴിതാ അജിത്തിന്റെ മങ്കാത്ത എന്ന ഹിറ്റും തിയറ്ററുകളിലേയ്ക്ക് വീണ്ടുമെത്തിയിരിക്കുകയാണ്....
