റിനോഷും ശ്രുതിയും തമ്മിൽ ഉള്ളത് ഒരു ബ്രദർ സിസ്റ്റർ ബന്ധം മാത്രമാണ്… ശ്രുതി അത് ബിഗ് ബോസ്സിൽ പറഞ്ഞിട്ടുള്ളതാണ്, പ്രതികാര മനോഭാവത്തോടെ വേണ്ടാത്ത കാര്യങ്ങൾ എഴുതി വിടണോ? ഒടുക്കം അവരെത്തി

കഴിഞ്ഞ ദിവസം സീരിയൽ താരം മനോജ് കുമാർ ബിഗ് ബോസ്സിലെ ശ്രുതി ലക്ഷ്മി – റിനോഷ് ബന്ധം എനിക്കൊട്ടും ഡയജസ്റ്റ് ആവുന്നില്ലെന്ന് പറഞ്ഞ് തന്റെ യൂട്യൂബ് ചാനലിലൂടെ എത്തിയിരുന്നു. ശ്രുതിയ്ക്ക് പുറത്തിറങ്ങിയാലും ഒരു ജീവിതം ഉള്ളതാണെന്നായിരുന്നു മനോജ് പറഞ്ഞത്

സഹ മത്സരാര്‍ത്ഥി ശ്രുതിയും റിനോഷും തമ്മിലുള്ള സൗഹൃദം ഷോയിലെ ഹൈലൈറ്റുകളിലൊന്നാണ്. തങ്ങള്‍ക്കിടയിലുളളത് സഹോദരനും സഹോദരിയും തമ്മിലുള്ള ബന്ധമാണന്ന് ഇരുവരും പലപ്പോഴായി പറഞ്ഞിട്ടുണ്ട്. വീട്ടിൽ ശ്രുതി ഏറ്റവും കൂടുതൽ അടുപ്പം റിനോഷിനോടാണ്. പലപ്പോഴും ഹഗ്ഗ് ചെയ്യുന്നതും, ഉമ്മ വയ്ക്കുന്ന സീനുകളും ബിഗ് ബോസ് പ്രേമികൾ കണ്ടതുമാണ്. ഇതിനെതിരെ ശക്തമായ രീതിയിൽ ആണ് ഒരു പറ്റം ആളുകൾ സോഷ്യൽ മീഡിയയിൽ എത്തിയത്. ഇപ്പോഴിതാ താരത്തിനെ പിന്തുണച്ചുകൊണ്ട് എത്തിയിരിക്കുകയാണ് ശ്രുതി ഫാൻസ്‌.

നിങ്ങൾ ബിഗ് ബോസ്സിൽ ഏത് മത്സരാർഥിയുടെ ഫാൻ ആണെങ്കിലും ഈ പോസ്റ്റ് ഒന്ന് വായിക്കണം.
ഈ ഫോട്ടോയിൽ ഉള്ളത് ബിഗ് ബോസ് മത്സരാർത്ഥി ശ്രുതിയും അവരുടെ ഭർത്താവ് Avin Anto യും ആണ്.
ഈ പോസ്റ്റ് ഇടുന്നതിന്റെ കാരണം എന്താണെന്ന് വെച്ചാൽ ബിഗ് ബോസ്സിലെ റിനോഷിന്റെയും ശ്രുതിയുടെയും ഫോട്ടോ വെച്ച് ചില ഓൺലൈൻ പോർട്ടലുകളും ചില ആൾക്കാരും വേണ്ടാത്ത രീതിയിലുള്ള കാര്യങ്ങൾ പ്രചരിപ്പിക്കുന്നുണ്ട്.

റിനോഷും ശ്രുതിയും തമ്മിൽ ഉള്ളത് ഒരു ബ്രദർ സിസ്റ്റർ ബന്ധം മാത്രമാണ്. ശ്രുതി അത് ബിഗ് ബോസ്സിൽ തന്നെ പറഞ്ഞിട്ടുള്ളതുമാണ്. പരസ്പരം ആങ്ങളയും പെങ്ങളും ആയി കരുതുന്നവർ hug ചെയ്തതിനെ മറ്റ് രീതിയിൽ കണ്ട് ഇല്ലാത്ത കാര്യങ്ങൾ ചിലരെങ്കിലും ബോധപൂർവം പ്രചരിപ്പിക്കുന്നു. ദയവ്‌ ചെയ്ത് അങ്ങനെയുള്ള കുപ്രചരണങ്ങൾ ഒഴിവാക്കണം.ഒരുപക്ഷെ നിങ്ങൾക്ക് ശ്രുതി എന്ന മത്സരാർത്ഥിയെ ഇഷ്ടമല്ലായിരിക്കാം. ഇഷ്ടമല്ലെങ്കിൽ അവർക്ക് വോട്ട് ചെയ്യാതെ ഇരുന്നാൽ പോരെ. അല്ലാതെ ഒരുമാതിരി പ്രതികാര മനോഭാവത്തോടെ വേണ്ടാത്ത കാര്യങ്ങൾ എഴുതി വിടണോ?

ഇത് ഒരു 100 ദിവസം മാത്രമുള്ള ഷോയാണ്. അതിനപ്പുറത്തേക്ക് എല്ലാ മത്സരാർത്ഥികൾക്കും ജീവിതം ഉള്ളതാണ്. ഇഷ്ടമല്ലാത്ത മത്സരാർത്ഥികൾക്ക് വോട്ട് ചെയ്യാതെ ഇരിക്കൂ. അതിനപ്പുറത്തേക്ക് ഇല്ലാത്ത കാര്യങ്ങൾ മസാല ചേർത്ത് എഴുതി അവരുടെ കുടുംബജീവിതം തകർക്കുന്ന രീതിയിലേക്ക് കാര്യങ്ങൾ കൊണ്ടുപോകരുത്. നിങ്ങളുടെ ഒരു കമന്റോ ലൈക്കോ മൂലം മറ്റൊരാളുടെ കുടുംബജീവിതം തകരാൻ ഇടയാകാതിരിക്കാൻ ശ്രദ്ധിക്കുക..

ഒരു പ്രായം കഴിഞ്ഞാല്‍ പെണ്‍കുട്ടികള്‍ സ്വന്തം അച്ഛനില്‍ നിന്ന് പോലും ശാരീരികമായി ഒരു അകലം പാലിക്കും. അങ്ങിനെയാണ് നമ്മുടെ ഒരു കള്‍ച്ചര്‍. ആ സാഹചര്യത്തില്‍ ശ്രുതിയുടെയും റിനോഷിന്റെയും ബന്ധം എനിക്ക് മനസ്സിലാക്കാന്‍ പറ്റുന്നില്ല. പ്രായപൂര്‍ത്തിയായാല്‍ പെണ്‍കുട്ടികള്‍ അച്ഛന്റെ അടുത്ത് പോലും കിടക്കില്ല. ആ സ്ഥാനത്ത് ശ്രുതിയും റിനോഷും ആങ്ങളയും പെങ്ങളും ആണ് എന്ന് പറഞ്ഞ് ഒരു കട്ടിലില്‍ തന്നെ കിടക്കുന്നത് ശരിയാണെന്ന് എനിക്ക് തോന്നുന്നില്ല- എന്നാണ് കഴിഞ്ഞദിവസം നടൻ മനോജ് കുമാർ പങ്കിട്ട വീഡിയോയിൽ പറഞ്ഞത്.