എസ്.ബി.ബാലസുബ്രഹ്മണ്യത്തിന്‍്റെ ആരോഗ്യനിലയില്‍ നേരിയ പുരോഗതി; മരുന്നുകളോട് പ്രതികരിക്കുന്നു

എസ്.ബി.ബാലസുബ്രഹ്മണ്യത്തിന്‍്റെ ആരോഗ്യനിലയില്‍ പുരോഗതിയുള്ളതായി ഡോക്ടര്‍മാര്‍. മരുന്നുകളോട് പ്രതികരിക്കുന്നുണ്ടെന്ന് ഡോക്ടര്‍മാര്‍ അറിയിച്ചു

ചെന്നൈയിലെ എം.ജി.എം ആശുപത്രിയിലാണ് ഇപ്പോള്‍ അദ്ദേഹം ചികിത്സയില്‍ കഴിയുന്നത്. അതേസമയം ഇപ്പോഴും എസ്.പി.ബി വെന്‍്റിലേറ്ററില്‍ തുടരുകയാണെന്നും ആശുപത്രി അധികൃതര്‍ വ്യക്തമാക്കി.

കോവിഡ് പോസിറ്റിവായ വിവരം എസ്.പി.ബി തന്നെയാണ് സമൂഹമാധ്യമങ്ങളിലൂടെ ലോകത്തെ അറിയിച്ചത്. തനിക്ക് കോവിഡ് സ്ഥിരീകരിച്ചെന്നും വീട്ടില്‍ തന്നെ വിശ്രമിക്കാന്‍ ആരോഗ്യവിദഗ്ദ്ധര്‍ നിര്‍ദേശിച്ചെങ്കിലും വീട്ടുകാരുടെ സുരക്ഷയെ കൂടി കരുതി ആശുപത്രിയിലേക്ക് മാറിയെന്നുമാണ് എസ്.പി.ബി അറിയിച്ചത്. എന്നാല്‍ ആശുപത്രിയില്‍ ചികിത്സയില്‍ തുടരുന്നതിനിടെ ആരോഗ്യനില വഷളായതോടെ എസ്.പി.ബിയെ ഐ.സി.യുവില്‍ എത്തിച്ച്‌ വെന്‍്റിലേറ്ററിലേക്ക് മാറ്റുകയായിരുന്നു.