Malayalam
കെട്ടാന്‍ വന്നിരിക്കുന്നവന്റെ അടുത്ത് പഠിക്കാന്‍ പോകാന്‍ അനുവാദം ചോദിക്കേണ്ട കാര്യമില്ല, പഠിക്കാന്‍ പോണമെങ്കില്‍ പോണം; ബേസില്‍ ജോസഫ്
കെട്ടാന്‍ വന്നിരിക്കുന്നവന്റെ അടുത്ത് പഠിക്കാന്‍ പോകാന്‍ അനുവാദം ചോദിക്കേണ്ട കാര്യമില്ല, പഠിക്കാന്‍ പോണമെങ്കില്‍ പോണം; ബേസില്‍ ജോസഫ്
റിലീസായ ദിവസം മുതല്‍ പ്രേക്ഷകര്‍ ഇരു കയ്യും നീട്ടി സ്വീകരിച്ച സിനിമയാണ് വിപിന്‍ ദാസ് സംവിധാനം ചെയ്ത ‘ജയ ജയ ജയ ജയ ഹേ’. ദര്‍ശന രാജേന്ദ്രനും ബേസില്‍ ജോസഫും മത്സരിച്ചഭിനയിച്ച ചിത്രം രസിപ്പിക്കുന്നതിനൊപ്പം ഏറെ ചിന്തിപ്പിക്കുന്നതുമാണ്. ചിത്രത്തെ പ്രശംസിച്ച് നിരവധി പേരാണ് രംഗത്തെത്തിയത്.
എന്നാല്‍ ഇപ്പോഴിതാ ജയയെ രാജേഷ് പെണ്ണു കാണാന്‍ വരുമ്പോള്‍ സഹോദരന്‍ ജയയുടെ പഠിത്തത്തെ കുറിച്ച് പറയുന്നത് തമാശയായാണ് ചിത്രീകരിച്ചത് എങ്കിലും അത് വളരെ സീരിയസ് ആയ കാര്യമാണ് എന്ന് പറയുകയാണ് ബേസില്‍ ജോസഫ്.
പെണ്ണുകാണാന്‍ വരുന്ന ചെറുക്കനോടും വീട്ടുാകാരോടും കല്യാണ ശേഷം പെണ്‍കുട്ടിക്ക് പഠിക്കാന്‍ പോകാന്‍ അനുവാദം ചോദിക്കുന്നത് തന്നെ തെറ്റാണ് എന്നാണ് ബേസില്‍ പറയുന്നത്. പെണ്ണുകാണാന്‍ വന്നിരിക്കുമ്പോള്‍ ജയയുടെ വീട്ടുകാര്‍ക്കൊക്കെ ഇത് ചോദിക്കാന്‍ മടിയാണ്. അവസാനം ജയയ്ക്ക് പഠിക്കാന്‍ പോണം എന്ന് ആങ്ങളയാണ് ചോദിക്കുന്നത്.
എന്ത് ബില്‍ഡ് അപ്പാണ് ഈയൊരു ചോദ്യം ചോദിക്കാന്‍?. ജയയ്ക്ക് പോലും അത് ചോദിക്കാന്‍ കഴിയുന്നില്ല, എന്ന് ബേസില്‍ ഒരു മാധ്യമത്തിന് നല്‍കിയ അഭിമുഖത്തില്‍ പറഞ്ഞു. ഇത് ചോദിക്കുന്നത് തന്നെ തെറ്റാണ്. കെട്ടാന്‍ വന്നിരിക്കുന്നവന്റെ അടുത്ത് പഠിക്കാന്‍ പോകാന്‍ അനുവാദം ചോദിക്കേണ്ട കാര്യമില്ല. പഠിക്കാന്‍ പോണമെങ്കില്‍ പോണം. ഇത് വളരെ സീരിയസായുള്ള കാര്യമാണ്.
കല്യാണം കഴിഞ്ഞ് തമ്മില്‍ സംസാരങ്ങളുണ്ടാകണം എന്നതിനപ്പുറം ഇതില്‍ അനുവാദം ചോദിക്കേണ്ട കാര്യമില്ല. പക്ഷെ സിനിമയില്‍ ഇത് ഹ്യൂമറിലൂടെയാണ് ട്രീറ്റ് ചെയ്തിരിക്കുന്നത്. കാണുന്നവര്‍ക്ക് ചിരി വരുമെങ്കിലും ഓ ഞാനും ഇങ്ങനെയൊക്കെ തന്നെയാണല്ലോ എന്ന് എല്ലാവര്‍ക്കും തോന്നും. അങ്ങനെയാണ് ഈ സിനിമയെ ട്രീറ്റ് ചെയ്തിരിക്കുന്നത് എന്നും ബേസില്‍ പറഞ്ഞു.
