മാഡിക്ക് ആശംസകളുമായി സിനിമാ ലോകം; സംഭവം നിങ്ങൾ അറിഞ്ഞില്ലേ ?

ബോളിവുഡിലും തെന്നിന്ത്യൻ സിനിമകളിലും ഒരുപോലെ ശ്രദ്ധേയനായ നടനാണ് ആര്‍ മാധവൻ.
ഇപ്പോഴിതാ കലയ്ക്കും സിനിമയ്ക്കും അദ്ദേഹം നൽകിയ സമഗ്ര സംഭാവനകളെ മുൻനിര്‍ത്തി ഡി വൈ പട്ടീൽ എജ്യുക്കേഷൻ സൊസൈറ്റി അദ്ദേഹത്തെ ഡോക്ടർ ഓഫ് ലെറ്റേഴ്സ് നൽകി ആദരിച്ചിരിക്കുകയാണ്. എജ്യുക്കേഷൻ സൊസൈറ്റിയുടെ ഒമ്പതാമത് കോൺവൊക്കേഷൻ ചടങ്ങിലാണ് ഇത് സമ്മാനിക്കുകയുണ്ടായത്.

ഏറെ വിനയാന്വിതനായി ഞാനിത് സ്വീകരിക്കുന്നു. പുതിയ പുതിയ വെല്ലുവിളികള്‍ ഉയർത്തുന്ന തരം പ്രൊജക്ടുകള്‍ തിരഞ്ഞെടുക്കാൻ ഇത് തന്നെ പ്രചോദിപ്പിക്കുന്നുവെന്നും അദ്ദേഹം മറുപടി പ്രസംഗത്തിൽ പറയുകയുണ്ടായി. മാധവൻ ആദ്യമായി സംവിധായകനാകുന്ന റോക്കട്രി – ദി നമ്പി എഫക്ട് എന്ന സിനിമ പുറത്തിറങ്ങാനായി ഇരിക്കുകയുമാണ്.

ഹിന്ദിയിൽ മിനി സ്ക്രീനിലൂടെ അഭിനയം തുടങ്ങിയ മാധവൻ തമിഴിൽ അലൈപായുതെ എന്ന മണിരത്നം സിനിമയിലൂടെയാണ് ഏറെ ശ്രദ്ധേയനായത്. ശേഷം കന്നത്തിൽ മുത്തമിട്ടാൽ, മിന്നലെ, അൻപേ ശിവം, ആയുധ എഴുത്ത്, രങ് ദേ ബസന്തി, ത്രീ ഇഡിയറ്റ്സ്, തനു വെഡ്സ് മനു, ഇരുതി സുട്രു, വിക്രം വേധ ഉള്‍പ്പെടെ നിരവധി സിനിമകളിലൂടെ സിനിമാ ലോകത്തിന്‍റെ മുഴുവൻ അംഗീകാരം നേടുകയുണ്ടായി. മാരാ എന്ന സിനിമയാണ് ഏറ്റവും ഒടുവിൽ മാധവന്‍റേതായി പുറത്തിറങ്ങിയത്.

about an actor