വീടിന് വെളിയില്‍ മണിക്കൂറുകളോളം വന്നു നിന്നു ആ താരത്തെ ഒന്നു കാണാൻ!

ബോളിവുഡ് സൂപ്പർതാരം ഷാരുഖ് ഖാന് ലോകമെമ്പാടും ആരാധകരുണ്ട്.താരത്തിന്റെ ചിത്രങ്ങളെല്ലാം അവർ വലിയ സപ്പോർട്ടാണ് നൽകുന്നത്.ഇപ്പോളിതാ ഷാരുഖ് ഖാനോടുള്ള ആരാധനയെക്കുറിച്ച് യുവനടന്‍ രാജ്കുമാര്‍ റാവുവിന്റെ തുറന്നു പറച്ചിലാണ് സോഷ്യൽ മീഡിയയിൽ വർത്തയാകുന്നത്.

ഷാരുഖ് ഖാന്റെ കടുത്ത ആരാധകനാണെന്നും അദ്ദേഹത്തെ കാണാന്‍ അദ്ദേഹത്തിന്റെ വീടിന് വെളിയില്‍ മണിക്കൂറുകളോളം വന്നു നിന്നെന്നും എന്നാല്‍ കാണാനായില്ല എന്നുമായിരുന്നു താരം പറഞ്ഞത്. അതിന് പിന്നാലെ തന്റെ പ്രിയ താരത്തിനൊപ്പമുള്ള ക്യൂട്ട് വീഡിയോ പങ്കുവെച്ചിരിക്കുകയാണ് രാജ്കുമാര്‍ റാവു. രാജ്കുമാറിന്റെ ഹിറ്റ് ചിത്രം സ്ത്രീയിലെ ഡയലോഗ് പറയുകയാണ് ഷാരുഖ് ഖാന്‍. ഒപ്പം തന്റെ കട്ടആരാധകന്റെ മുഖത്ത് ചുംബിക്കാനും താരം മറന്നില്ല.

‘ചെറുപ്പകാലം മുതല്‍ ഷാരുഖിന്റെ ഡയലോഗാണ് ഞാന്‍ പറയുന്നത്. ഈ സമയം എന്റെ ഡയലോഗ് പറയാമെന്ന് അദ്ദേഹം തീരുമാനിച്ചപ്പോള്‍ വല്ലാത്ത സന്തോഷം തോന്നി. ഷാരുഖിന് പകരമായി മറ്റാരുമില്ല. ഒരു നടനാവാന്‍ എന്നെ പ്രോത്സാഹിപ്പിച്ചത് താങ്കളാണ്. എന്നും വലിയ ആരാധകനായിരിക്കും’ വിഡിയോ പങ്കുവെച്ച്‌ രാജ്കുമാര്‍ റാവു കുറിച്ചു. എന്തായാലും സോഷ്യല്‍ മീഡിയയില്‍ ഹിറ്റാവുകയാണ് ഇരുവരുടേയും സ്‌നേഹ പ്രകടനം. സ്ത്രീയുടെ സംവിധായകന്‍ അമര്‍ കൗഷിക് ഉള്‍പ്പടെ നിരവധി സെലിബ്രിറ്റികളാണ് വിഡിയോയ്ക്ക് കമന്റ് ചെയ്തിരിക്കുന്നത്. മണിക്കൂറുകള്‍ക്കകം ഏഴ് ലക്ഷത്തോളം പേരാണ് വിഡിയോ കണ്ടിരിക്കുന്നത്.

rajkumar rao talks about sharukh khan