ശരിക്കുള്ള എന്നെ നീ അറിയാൻ പോകുന്നതേയുള്ളു ; റിയാസിന്റെ ബ്ലെസ്ലിയുടെ മുന്നറിയിപ്പ് !
ബിഗ് ബോസ് മലയാളം സീസൺ ഫോർ പുതിയ വഴിത്തിരിവിലൂടെയാണ് പോകുന്നത് . ആദ്യത്തെ ദിവസം ബിഗ് ബോസിൽ നടന്ന പ്രശ്നങ്ങളുടെ തുടർച്ചയാണ് വീട്ടിൽ നടക്കുന്നത്. വീട്ടിലെ ശക്തരായ മത്സരാർഥികളിൽ ഒരാളായ റോബിൻ കഴിഞ്ഞ ദിവസം ബിഗ് ബോസ് വീടിന്റെ നിയമങ്ങൾ ലംഘിച്ചതിനാൽ ഷോയിൽ നിന്നും മാറ്റി നിർത്തപ്പെട്ടിരിക്കുകയാണ്. ഇപ്പോൾ സീക്രട്ട് റൂമിലാണ് റോബിനെ താമസിപ്പിച്ചിരിക്കുന്നത്
മോഹൻലാൽ വരുന്ന വീക്കെൻഡ് എപ്പിസോഡിലായിരിക്കും റോബിനെ പുറത്താക്കുക. റിയാസിനെ മത്സരത്തിനിടെ തല്ലി എന്നുള്ളതാണ് റോബിനെ പുറത്താക്കാനുണ്ടായ കാരണം.ബിഗ് ബോസ് മലയാളം ഇപ്പോൾ പത്താം ആഴ്ചയിൽ എത്തിനിൽക്കുകയാണ്. റോബിൻ കൂടി പോയതോടെ വീട്ടിൽ അവശേഷിക്കുന്ന മത്സരാർഥികളുടെ എണ്ണം പത്തായി കുറഞ്ഞു. ജാസ്മിനും റിയാസും വീക്കിലി ടാസ്ക്ക് തുടങ്ങിയപ്പോൾ മുതൽ റോബിനെ പ്രകോപിപ്പിക്കാനുള്ള നീക്കത്തിലായിരുന്നു.
രാജാവായ റിയാസിന്റെ മാന്ത്രിക ലോക്കറ്റ് റോബിൻ തട്ടിയെടുത്തതോടെ അതൊരു അവസരമായി കണ്ട് ജാസ്മിനും റിയാസും പരമാവധി പ്രകോപിപ്പിച്ചു. അവസാനം കൈയ്യിൽ കടന്നുപിടിച്ച റിയാസിനെ റോബിൻ തള്ളി മാറ്റുന്നതിനിടെയാണ് റിയാസിന് അടിയേറ്റത്.മറ്റൊരാളെ ഉപദ്രവിക്കാനുള്ള അവകാശം ബിഗ് ബോസ് ഹൗസിലെ ഒരു മത്സരാർഥിക്കും ഇല്ല. റോബിനെ പുറത്താക്കിയ ജാസ്മിനോടും റിയാസിനോടും പ്രതികാരം തീർക്കുകയാണ് ബ്ലെസ്ലിയും ദിൽഷയും ഇപ്പോൾ.
ബ്ലെസ്ലി രാവിലെ എഴുന്നേറ്റപ്പോൾ മുതൽ റിയാസിന് പിന്നാലെ നടന്ന് പ്രകോപിപ്പിക്കാൻ ശ്രമിക്കുന്നുണ്ട്. ‘നിനക്ക് ഇൻസ്റ്റഗ്രാമിലുള്ള എന്നെ മാത്രമെ അറിയൂ, ശരിക്കുള്ള ഞാൻ എങ്ങനെയാണെന്ന് നീ അറിയും’ എന്നും റിയാസിനോട് ബ്ലെസ്ലി പറയുന്നുണ്ട്.
റോബിൻ പോയപ്പോൾ ചെങ്കോൽ കൈക്കലാക്കി ബ്ലെസ്ലി രാജാവായിരുന്നു. തന്റെ ഫ്രണ്ടായ റോബിനെ പുറത്താക്കിയത് കൊണ്ടും ദിൽഷയെ കരയിപ്പിച്ചതുകൊണ്ടാണ് പ്രതികാരം ചെയ്യാനായി രാജാവായതെന്ന് ബ്ലെസ്ലി തന്നെ ദിൽഷയോട് പറഞ്ഞിരുന്നു.
പക്ഷെ ബ്ലെസ്ലി രാജാവായത് അംഗീകരിക്കാൻ റിയാസോ ജാസ്മിനോ വിനയിയോ റോൺസണോ ഒന്നും തയ്യാറായിരുന്നില്ല. അതിനിടയിൽ ബ്ലെസ്ലിയെ കട്ടിലിൽ നിന്നും വലിച്ചിട്ട് ആക്രമിച്ച് ചെങ്കോൽ കൈക്കലാക്കാൻ വിനയ് ശ്രമിച്ചിരുന്നു.
ബ്ലെസ്ലിയേയും ദിൽഷയേയും പരമാവധി അപമാനിക്കാനും ജാസ്മിനും റിയാസും ശ്രമിക്കുന്നുണ്ട്. മുമ്പൊന്നും ആര് പ്രകോപിക്കാൻ ചെന്നാലും ബ്ലെസ്ലി പ്രതികരിക്കുമായിരുന്നില്ല. പക്ഷെ ഇപ്പോൾ എല്ലാവരും തനിക്ക് തരുന്ന അതേ നാണയത്തിൽ തന്നെ ബ്ലെസ്ലി തിരിച്ച് കൊടുക്കുന്നുണ്ട്.
ഗെയിം കളിക്കുമ്പോൾ ഒറ്റയ്ക്ക് ഒറ്റയ്ക്കായിരുന്നെങ്കിലും ബ്ലെസ്ലിയും റോബിനും ദിൽഷയും അടുത്ത സുഹൃത്തുക്കളായിരുന്നു.
വീക്കിലി ടാസ്ക്കിൽ റോബിൻ ആക്രമിച്ചപ്പോൾ ബ്ലെസ്ലി അത് തെറ്റാണെന്ന് റോബിനോട് പറയാനും മടി കാണിച്ചിരുന്നില്ല. ജാസ്മിൻ ദിൽഷയെ അടുത്ത സുഹൃത്തിനെപ്പോലെയാണ് കൊണ്ട് നടന്നിരുന്നത്.
അതിനാൽ തന്നെ പെട്ടന്നുള്ള ദിൽഷയുടെ മാറ്റവും പ്രതികാരം വെച്ചുള്ള പെരുമാറ്റവും ജാസ്മിനെ തളർത്തിയിട്ടുണ്ട്. ഇപ്പോൾ വീട്ടിൽ കഴിയുന്ന മത്സരാർഥികളിൽ ഒട്ടും ജനപിന്തുണയില്ലാത്തവർ ജാസ്മിനും റിയാസുമാണ്.ജാസ്മിന്റെ തെറ്റുകൾ പലപ്പോഴും ബിഗ് ബോസ് തുറന്ന് കാണിക്കുകയോ ശാസിക്കുകയോ ചെയ്യാറില്ല.’
