സിഖ് മതവിശ്വാസം പിന്തുടരാത്ത ഒരാൾ എങ്ങനെയാണ് ‘കൗർ’ എന്ന് പേരിനൊപ്പം ചേർക്കുന്നത് ?! സണ്ണി ലിയോണിനെതിരെ സിഖ് സംഘടന
ബോളിവുഡ് നടി സണ്ണി ലിയോണിനെതിരെ പ്രതിഷേധവുമായി സിഖ് സംഘടന രംഗത്ത്. സണ്ണി ലിയോണിന്റെ ജീവിതകഥ പറയുന്ന ‘കരൺജീത് കൗർ: ദി അൺടോൾഡ് സ്റ്റോറി ഓഫ് സണ്ണി ലിയോൺ’ എന്ന സീരിസിനെതിരെയാണ് ശിരോമണി ഗുരുദ്വാര പർബന്ധക് കമ്മറ്റി (എസ്.ജി.പി.സി) എന്ന സംഘടന രംഗത്ത് വന്നിരിക്കുന്നത്.
സിഖ് മതവിശ്വാസം പിന്തുടരാത്ത സണ്ണി ലിയോണിന് ‘കൗർ’ എന്ന് ഉപയോഗിക്കാൻ അർഹതയില്ലെന്നും, അങ്ങനെ ചെയ്യുന്നത് ആ മതവിശ്വാസത്തെ ഹനിക്കുന്നതിന് തുല്യമാണെന്നും എസ്.ജി.പി.സി കുറ്റപ്പെടുത്തി. കൗർ എന്ന് ഉപയോഗിക്കാൻ അനുവദിക്കില്ലെന്നും സണ്ണി ലിയോൺ മാപ്പു പറയണമെന്നും അവർ ആവശ്യപ്പെട്ടു.
സണ്ണി ലിയോണിന്റെ ആത്മകഥയെ ആധാരമാക്കി ആദിത്യ ദത്താണ് ‘കരൺജീത് കൗർ: ദി അൺടോൾഡ് സ്റ്റോറി ഓഫ് സണ്ണി ലിയോൺ’ എന്ന പരമ്പര സംവിധാനം ചെയ്തിരിക്കുന്നത്. ഈ മാസം പതിനാറു മുതൽ സീ ചാനലിൽ സീരീസ് ആയി സംപ്രേക്ഷണം ചെയ്യാനിരിക്കെയാണ് ഈ വിവാദങ്ങൾ ഉടലെടുത്തിരിക്കുന്നത്.
കൂടുതൽ വായിക്കാൻ
എലിവിഷത്തിൽ പാരസെറ്റാമോളോ ?! സത്യമെന്ത്..
Shiromani gurudhvara parbhandhak committee against Sunny Leone’s new web series