മലയാളികളുടെ പ്രിയപ്പെട്ട താരം സായ് പല്ലവി ഒരിടവേളയ്ക്കു ശേഷം മലയാളത്തിലേക്ക് തിരിച്ചെത്തുന്നു. ‘ പ്രേമം ,കലി എന്നീ സിനിമകൾക്ക് ശേഷം സായ്പ ല്ലവി പ്രധാന വേഷത്തിലെത്തുന്ന മൂന്നാമത്തെ മലയാള ചിത്രമാണിത്. ചിത്രത്തിന്റെ നായകൻ ഫഹദ് ഫാസിലാണ്.
നവാഗത സംവിധായകനായ വിവേക് ഒരുക്കുന്ന ചിത്രത്തിലാണ് ഇരുവരും ഒന്നിക്കുന്നത്. റൊമാന്റിക്ക് ത്രില്ലറായി എത്തുന്ന ചിത്രത്തില്, പ്രകാശ് രാജ്, സുരഭി, രഞ്ജി പണിക്കര്, അതുല് കുല്ക്കര്ണി, ലെന, ശാന്തി കൃഷ്ണ തുടങ്ങി വന് താര നിരയാണുള്ളത്.
ഈ.മൗ.യൗവിന് ശേഷം പി.എഫ് മാത്യൂസ് രചന നിര്വഹിച്ച ചിത്രത്തിന്റെ പ്രധാന ലോക്കേഷന് ഊട്ടിയാണ്. ഷൂട്ടിംഗ് പൂര്ത്തിയായെങ്കിലും ചിത്രത്തിന്റെ പേര് ഇതുവരെ പ്രഖ്യാപിച്ചിട്ടില്ല. ചിത്രത്തിന്റെ കൂടുതൽ വിവരങ്ങളൊന്നും പുറത്തു വിട്ടിട്ടില്ല.
തമിഴിലും തെലുങ്കിലുമെല്ലാം സൂപ്പർ നായികയായി തിളങ്ങി നിൽക്കുകയാണ് സായ് പല്ലവി ഇപ്പോൾ.
say pallavi next malayalam movie