മിനിസ്ക്രീനിലൂടെ എത്തി പ്രേക്ഷകരുടെ ഇടയിൽ ശ്രദ്ധനേടിയ താരമാണ് സാഗർ സൂര്യയും മനീഷയും . തട്ടീം മുട്ടീം പരമ്പരയിൽ അമ്മയും മകനും ആയാണ് മനീഷയും സാഗറും അഭിനയിച്ചത്. ഇരുവരും ബിഗ് ബോസിലും ഒന്നിച്ചെത്തിയിരുന്നു. തന്നെ പരിചയപ്പെട്ടത് മുതൽ അമ്മ എന്നാണ് സാഗർ തന്നെ വിളിക്കുന്നതെന്ന് മനീഷ മുൻപ് പലപ്പോഴും പറഞ്ഞിട്ടുണ്ട്.
. ബിഗ് ബോസ് മലയാളം സീസൺ അഞ്ചിൽ മത്സരാർത്ഥിയായി എത്തിയതോടെയാണ് സാഗർ പ്രേക്ഷകർക്ക് കൂടുതൽ സുപരിചിതനാകുന്നത്. ഷോയിൽ അറുപതോളം ദിവസം പൂർത്തിയാക്കിയ സാഗർ അടുത്തിടെ ബിബി ഹൗസിൽ നിന്നും പടിയിറങ്ങിയിരുന്നു. ഇപ്പോഴിതാ ഷോ കഴിഞ്ഞ ശേഷം മനീഷയെ കാണാൻ എത്തിയ വീഡിയോ പങ്കുവച്ചിരിക്കുകയാണ് സാഗർ.
മനീഷയെ കണ്ട് കെട്ടിപ്പിടിക്കുന്ന, സൗഹൃദം പങ്കിടുകയും ചെയ്യുന്ന സാഗറിനെ വീഡിയോയിൽ കാണാം. “അമ്മയും മകനും തമ്മിലുള്ള ബന്ധം ജീവിതകാലം മുഴുവൻ നിലനിൽക്കും. ആ ബന്ധം സവിശേഷമാണ്. സമയത്തിനോ ദൂരത്തിനോ അത് മാറ്റാനാകില്ല. ഇത് ഏറ്റവും ശുദ്ധമായ സ്നേഹമാണ്, നിരുപാധികവും സത്യവുമാണ്”, എന്നാണ് വീഡിയോയ്ക്ക് സാഗർ നൽകിയ ക്യാപ്ഷൻ.
കഴിഞ്ഞ ദിവസം നടൻ ജോജു ജോർജിനെ കണ്ട സന്തോഷം സാഗർ പങ്കുവച്ചിരുന്നു. “വലിയ പ്രതീക്ഷകളായി മുന്നോട്ടു പോയ വഴികളിൽ പാതിവെച്ചു എനിക്ക് മടങ്ങേണ്ടി വന്നെങ്കിലും, ആ നിമിഷത്തിലാണ് ജോജുചേട്ടൻ എന്നെ വിളിച്ചതും കാണണം എന്നു പറഞതും, ജീവിതത്തിൽ ഒരുപാടു ആൾക്കാരെ കണ്ടിട്ടുടെക്കിലും ജോജുചേട്ടൻ സ്വന്തം അനിയനോട് പറയുന്നപോലെ ഒരുപാടു കാര്യങ്ങൾ പറഞ്ഞു തന്നു. Thankyou Joju cheata you the best”, എന്നാണ് ജോജുവിനൊപ്പമുള്ള ഫോട്ടോ പങ്കുവച്ച് സാഗർ കുറിച്ചത്.