ഒരുകാലത്ത് മലയാള സിനിമയിൽ മമ്മൂട്ടിയുടെയും മോഹൻലാലിന്‍റെയും നായികയായി തിളങ്ങിയ നടിയാണ് സുമലത. നായിക സങ്കൽപ്പങ്ങളെ മുഴുവനായും മാറ്റി മറിച്ചായിരുന്നു സുമലതയുടെ മലയാളത്തിലേക്കുള്ള കടന്നുവരവ്. അന്യഭാഷക്കാരിയാണെങ്കിലും ഒരു മലയാളിയായിട്ട് തന്നെയായിരുന്നു പ്രേക്ഷകർ ഇവരെ കണക്കാക്കിയത്. ഇപ്പോഴിതാ പുതിയ സന്തോഷ വാർത്തയാണ് താരത്തിന്റെ കുടുംബത്തിൽ സംഭവിച്ചിരിക്കുന്നുന്നത് .
നടി സുമലതയുടേയും പരേതനായ നടനും രാഷ്ട്രീയ നേതാവുമായ അമ്പരീഷിന്റേയും മകന്‍ അഭിഷേക് വിവാഹിതനായി. നടനായ അഭിഷേകിന്റെ വധു മോഡലും ഫാഷന്‍ ഡിസൈനറുമായ അവിവ ബിഡപയാണ്.
അമ്പരീഷിന്റെ അടുത്ത സുഹൃത്തായ തമിഴ് സൂപ്പര്‍ താരം രജനികാന്ത് വിവാഹത്തിനെത്തിയിരുന്നു. പത്നി ലതയോടൊപ്പമായിരുന്നു രജനികാന്ത് എത്തിയത്. രജനികാന്ത് നവദമ്പതികളെ ആശിര്‍വദിക്കുന്ന വീഡിയോകള്‍ സമൂഹ മാധ്യമങ്ങളില്‍ വൈറലായിരുന്നു.സൂപ്പര്‍ താരം യഷ്, മോഹന്‍ ബാബു, മുന്‍ ക്രിക്കറ്റ് താരം അനില്‍ കുംബ്ലെ, സുഹാസിനി മണിരത്നം തുടങ്ങിയ പ്രമുഖരും വിവാഹത്തിനെത്തി.