ബിഗ് ബോസ് വീട്ടിലേക്ക് അങ്കം കുറിക്കാൻ ശ്രീശാന്തും !!!
ലോക പ്രസിദ്ധ റിയാലിറ്റി ഷോയാണ് ബിഗ് ബോസ് . മലയാളത്തിലാണ് ഏറ്റവും ഒടുവിലായി ബിഗ് ബോസ് ഷോ ആരംഭിച്ചത് . മലയാളത്തിൽ മോഹൻലാലാണ് ബിഗ് ബോസ് അവതാരകൻ . ഇനി 2 ആഴ്ചകൾ മാത്രമാണ് ബിഗ് ബോസ് അവസാനിക്കാൻ ബാക്കിയുള്ളത്. മറ്റു ഭാഷകളിൽ രണ്ടാം സീസൺ കഴിഞ്ഞിരിക്കുന്ന സാഹചര്യമാണ്. അപ്പോളാണ് മുൻ ക്രിക്കറ്റ് താരം ശ്രീശാന്ത് ബിഗ് ബോസിലേക്ക് എത്തുന്നത്.
ബിഗ്ബോസിന്റെ ഹിന്ദി പതിപ്പിലാകും താരം മത്സരാർത്ഥിയായി എത്തുക.ബോളിവുഡിന്റെ ബായ് ജാൻ സൽമാൻ ഖാൻ അവതാരകനായി എത്തുന്ന ഹിന്ദി ബിഗ് ബോസിന്റെ പന്ത്രണ്ടാം പതിപ്പിൽ ശ്രീശാന്തുമുണ്ടന്നാണ് വാർത്തകൾ. മത്സരം ആരംഭിക്കാൻ പത്ത് ദിവസം മാത്രം അവശേഷിക്കെ മത്സരാർത്ഥികളുമായി ചാനൽ കരാറിലെത്തിയെന്നാണ് സൂചന. എന്നാൽ പരിപാടി ആരംഭിച്ചതിന് ശേഷമെ മത്സരാർത്ഥികൾ ആരൊക്കെയാണെന്ന് വ്യക്തമാകു. നിലവിൽ താരദന്പതികളായ ഭാരതി സിങിന്റെയും ഹാർഷ് ലിമ്പാച്ചിയായുടെയും പേര് മാത്രമേ പുറത്ത് വന്നിട്ടുള്ളു.
അക്സർ 2, ടീം 5 മുതലായ സിനിമകളിൽ സിനിമകളിൽ അഭിനയിച്ച ശ്രീ രാഷ്ട്രീയത്തിലും ഒരു കൈ നോക്കിയിരുന്നു. തിരുവനന്തപുരത്ത് നിന്ന് ബി.ജെ.പി ടിക്കറ്റിൽ നിയമസഭയിലേക്ക് മത്സരിച്ച ശ്രീശാന്ത് പക്ഷേ പരാജയപ്പെടുകയായിരുന്നു.ബിഗ് ബോസ് ശ്രീശാന്തിന്റെ ആദ്യ റിയാലിറ്റി ഷോയല്ല, നേരത്തെ ഖത്രോൻ കെ കില്ലാടി, ജാലക് ഡിഖലാ ജാ എന്നീ ഹിന്ദി റിയാലിറ്റി ഷോകളിലും ശ്രീ മത്സരിച്ചിട്ടുണ്ട്.
sreesanth to be part of big boss show