ഏറ്റവും കൂടുതൽ പ്രതിഫലം വാങ്ങുന്ന തെന്നിന്ത്യൻ അഭിനേത്രികളിലൊരാളാണ് സാമന്ത റൂത്ത് പ്രഭു.
സമാന്തയ്ക്ക് മലയാള സിനിമയോട് പ്രത്യേക ഇഷ്ടം ഉണ്ട് . തൻ്റെ പുതിയ ചിത്രം ശാകുന്തളം സിനിമയുടെ പ്രമോഷൻ്റെ ഭാഗമായി കേരളത്തിലെത്തിയപ്പോഴാണ് മലയാള സിനിമയോടും താരങ്ങളോടുള്ള തൻ്റെ ഇഷ്ടം സമാന്ത തുറന്നു പറഞ്ഞത്. സമാന്ത രുത്ത് പ്രഭു വീണ്ടും സിനിമയിലേക്ക് ശക്തമായി തിരിച്ചു വരികയാണ് ബിഗ് ബജറ്റ് ചിത്രമായ ശാകുന്തളത്തിലൂടെ. മലയാള താരങ്ങളും അണിനിരക്കുന്ന ചിത്രം തൻ്റെ കരിയറിലും വളരെ പ്രത്യേകതയുള്ളതാണെന്നു സമാന്ത പറയുന്നു. ‘സമയം മലയാള’ത്തിനു നൽകിയ പ്രത്യേക അഭിമുഖത്തിലാണ് മലയാളത്തോടുള്ള ഇഷ്ടം സമാന്ത തുറന്നു പറഞ്ഞത്.
ഫഹദ് ഫാസിലിനൊപ്പം സൂപ്പർ ഡീലക്സ് എന്ന സിനിമയിൽ സാമന്ത ഒന്നിച്ച് അഭിനയിച്ചിരുന്നു. ഫഹദിൻ്റെ ഭാര്യയുടെ വേഷമായിരുന്നു സമാന്ത അവതരിപ്പിച്ചത്. ഭർത്താവ് ഇല്ലാത്ത സമയം വീട്ടിൽ കാമുകനുമായി സെക്സിലേർപ്പെടുകയും അയാൾ കിടക്കയിൽ ഹെർട്ട് അറ്റാക്ക് വന്നു മരിക്കുകയും ചെയ്യുന്നു. തുടർന്നു ഭർത്താവും ഭാര്യയും കൂടി ആ മൃത ശരീരം മറവു ചെയ്യുന്നതിനു ശ്രമിക്കുന്ന സന്ദർഭങ്ങളായിരുന്നു സൂപ്പർ ഡീലക്സിൽ ഫഹദും സമാന്തയും അവതരിപ്പിച്ചത്. ഈ രംഗങ്ങളിൽ അഭിനയിക്കുമ്പോൾ ഫഹദ് ഫാസിലിൻ്റെ പ്രകടനം കണ്ട് അന്തംവിട്ടിരുന്നതായി സമാന്ത അഭിമുഖത്തിൽ പറഞ്ഞു. മലയാള സിനിമയിലേക്ക് അവസരം ലഭിച്ചാൽ ഫഹദ് ഫാസിലിനൊപ്പം അഭിനയിക്കാൻ താല്പര്യമാണെന്നും സമാനന്ത പറഞ്ഞു.
സിനിമയുടെ ഇടവേളകളിലും മറ്റ് ഒഴിവു സമയങ്ങളിലും മലയാള സിനിമ കാണാൻ ശ്രമിക്കാറുണ്ടെന്നും താരം കൂട്ടിച്ചേർത്തു. മലയാള സിനിമകൾ വളരെ മികച്ചതാണെന്നും താൻ അഭിനയം പഠിക്കുന്നതിന് മലയാള സിനിമകൾ കാണാറുണ്ടെന്നും സമാന്ത പറയുന്നു. മലയാളി താരങ്ങൽ വളരെ പ്രതിഭാ ശാലികളാണെന്നും മികച്ച സിനിമകൾ മലയാളത്തിൽ നിന്നും സാധ്യമാകുന്നതായും താരം കൂട്ടിച്ചേർത്തു.
2010 ൽ യെ മായാ ചെസാവ് എന്ന തെലുങ്ക് ചിത്രത്തിലൂടെ സിനിമയിലെത്തിയ താരം പിന്നീട് തെലുങ്ക്, തമിഴ് സിനിമയിലെ ഏറ്റവും കൂടുതൽ പ്രതിഫലം വാങ്ങുന്ന നടിമാരിൽ ഒരാളായി വളർന്നു. സൂപ്പർ താര സിനിമകളിലും സജീവ സാന്നിധ്യമായ സമാന്തയ്ക്ക ഇതിനോടകം ഒരുപിടി മികച്ച കഥാപാത്രങ്ങളെ അവതരിപ്പിക്കാനും സാധിച്ചു. വിജയ്ക്കൊപ്പമുള്ള തെരി, മെർസൽ, സൂര്യയ്ക്കൊപ്പം അഞ്ചാൻ, 24, വിക്രമിനൊപ്പം 10 എൻട്രുതുക്കുള്ളെ, ധനുഷിനൊപ്പം തങ്ക മകൻ തുടങ്ങിയ ഒരുപിടി തമിഴ് ചിത്രങ്ങളിലൂടെ മലയാളി പ്രേക്ഷകരുടെയും ഇഷ്ടം നേടിയിരുന്നു.
എസ്.എസ്. രാജമൗലി സംവിധാനം ചെയ്ത ഫാൻ്റസി സിനിമ ഈച്ചയിലെ നായിക വേഷത്തിലൂടെയാണ് സൗത്തിന്ത്യൻ നായിക പട്ടത്തിലേക്ക് സമാന്ത എത്തുന്നത്. ഇടക്കാലത്ത് വിവാഹ ബന്ധം പിരിഞ്ഞതും മയോസൈറ്റിസ് എന്ന അപൂർവ രോഗാവസ്ഥയുമൊക്കെയായി വളരെ വെല്ലുവിളി നിറഞ്ഞ സാഹചര്യത്തിലൂടെ കടന്നു പോയ താരം ഇപ്പോൾ വീണ്ടും വെള്ളിത്തിരയിൽ സജീവമാവുകയാണ്.
സമീപകാലത്ത് ആക്ഷൻ ത്രില്ലർ ചിത്രമായി ഒരുക്കിയ യോശദയിലൂടെ മികച്ച തിരിച്ച് വരവ് നടത്തിയ താരം അല്ലു അർജുൻ്റെ പുഷ്പയിൽ ഐറ്റം സോംഗിലൂടെ എൻജെറ്റിക് പെർഫോമൻസും കാഴ്ചവെച്ചിരുന്നു. ഇപ്പോൾ കരിയറിലെ ഏറ്റവും വലിയ സിനിമ ശാകുന്തളവുമായി എത്തുകയാണ് താരം. തെലുങ്ക് സിനിമ ലോകത്ത് ഹിറ്റുകൾ സമ്മാനിച്ച സംവിധായകൻ ഗുണശേഖർ അണിയിച്ചൊരുക്കുന്ന ശാകുന്തളത്തിൽ സമാന്തയ്ക്കൊപ്പം മലയാളിയായ ദേവ് മോഹനാണ് പ്രധാന വേഷത്തിലെത്തുന്നത്. കാളിദാസൻ്റെ അഭിജ്ഞാന ശാകുന്തളത്തെ ആസ്പദമാക്കി ഒരുക്കുന്ന ചിത്രത്തിൽ ശകുന്തളയെ സമാന്തയും ദുഷ്യന്തനെ ദേവ് മോഹനും അവതരിപ്പിക്കുന്നു. ഏപ്രിൽ 14 ന് ഹിന്ദി, തെലുങ്ക്, തമിഴ്, മലയാളം, കന്നഡ എന്നീ ഭാഷകളിലാണ് ചിത്രം റിലീസ് ചെയ്യും.
ശകുന്തളത്തിനു ശേഷം ഖുഷി എന്ന ചിത്രത്തിലും സമാന്ത അഭിനയിച്ചിരുന്നു. വിജയ് ദേവരകൊണ്ടയാണ് ചിത്രത്തിൽ നായികയായി എത്തുന്നത്. വരുൺ ധവാൻ സിറ്റാഡൽ എന്ന ഹിന്ദി ചിത്രത്തിലും സമാന്ത നായികയാകുന്നുണ്ട്.