പാര്‍വ്വതിക്ക് എതിരെയുള്ള മോശം പരാമര്‍ശത്തിന് റോഷ്‌നിയുടെ മറുപടി
പാര്‍വ്വതിയെ കുറിച്ച് മോശം പരാമര്‍ശം നടത്തിയവര്‍ക്ക് ചുട്ട മറുപടിയുമായി സംവിധായിക റോഷ്‌നി ദിനകര്‍. പാര്‍വ്വതിയുടെ വസ്ത്രധാരണത്തെ കുറിച്ച് മോശം പരാമര്‍ശം നടത്തിയവര്‍ക്കെതിരെയാണ് സംവിധായിക രംഗത്തെത്തിയിരിക്കുന്നത്.
റോഷ്ണി ദിനകരുടെ മൈ സ്‌റ്റോറിയെ കുറിച്ചുള്ള ഒരു നിരൂപണത്തില്‍ പാര്‍വ്വതിയ്‌ക്കെതിരെ നടത്തിയ മോശം പരാമര്‍ശം നടത്തിയിരുന്നു. സിനിമയെ കുറിച്ച് ഒരാള്‍ എഴുതിയ അഭിപ്രായത്തില്‍ പാര്‍വ്വതിയുടെ വസ്ത്രധാരണത്തെ കുറിച്ച് മോശം കമന്റ് എഴുതിയതിനെതിരെയാണ് സംവിധായിക രംഗത്തെത്തിയത്. ‘നന്ദി, പക്ഷേ പാര്‍വ്വതിയെക്കുറിച്ചും പാര്‍വ്വതിയുടെ വസ്ത്രധാരണത്തെ കുറിച്ചും ഒരു മോശം പരാമര്‍ശം ഉണ്ടായിരുന്നു. അതെഴുതിയ ആളുടെ മാനസികാവസ്ഥ എത്രമാത്രം നിലവാരം കെട്ടതാണെന്നാണ് ഇതില്‍ നിന്ന് മനസ്സിലാകുന്നത്.’- ഇപ്രകാരമായിരുന്നു റോഷ്‌നിയുടെ കുറിപ്പ്.
ഒരു വ്യാജ ഐഡിയില്‍ നിന്നാണ് പാര്‍വ്വതിയ്‌ക്കെതിരെ മോശം പരാമര്‍ശം നല്‍കിയിരിക്കുന്നത് എന്നാണ് റോഷ്‌നി പറയുന്നത്. പൃഥ്വിയും പാര്‍വ്വതിയും കേന്ദ്രകഥാപാത്രങ്ങളായെത്തിയ മൈ സ്റ്റോറിയ്ക്ക് തുടക്കം മുതല്‍ക്കേ വിമര്‍ശനങ്ങള്‍ ഉയര്‍ന്നിരുന്നു. മൈ സ്റ്റോറി വീണ്ടും തിയേറ്ററുകളിലെത്തിക്കാനുള്ള ശ്രമത്തിലാണിപ്പോള്‍ സംവിധായിക.
Roshni Dinaker reacts Parvathy comments