കേരളത്തിൽ നിന്നാണ് എന്ന് കേട്ടതും സ്റ്റൈൽ മന്നൻ ഓടിയെത്തി തോളോട് തോൾ ചേർത്തി !! രജനി ഇത്രയ്ക്ക് സിമ്പിളോ ?! വൈറലായി ആ കുറിപ്പ്…
ശങ്കറും രജനികാന്തും ഒരുമിച്ച ബ്രഹ്മാണ്ഡ ചിത്രം 2.0 പ്രദർശനത്തിനെത്തിയിരിക്കുകയാണ്. വമ്പൻ സ്വീകരണമാണ് പ്രേക്ഷകർ ചിത്രത്തിന് നൽകുന്നത്. ഇപ്പോൾ സോഷ്യൽ മീഡിയയിൽ രജനിയുടെ സിംപ്ലിസിറ്റി എടുത്ത് കാണിക്കുന്ന ഒരു കുറിപ്പ് വൈറലാകുകയാണ്. രജനിയെ ആദ്യമായി നേരിൽ കാണാൻ പോയ മലയാളികളുടെ അനുഭവ കുറിപ്പാണ് വൈറലാകുന്നത്. ജിഎൻപിസി ഫേസ്ബുക്ക് ഗ്രൂപ്പിലാണ് ഇവർ തങ്ങളുടെ അനുഭവം പങ്കുവെച്ചത്.
വൈറലാകുന്ന പോസ്റ്റ് വായിക്കാം….
പോയസ് ഗാർഡനിലെ വീടിനു മുന്നിൽ ഞങ്ങളെ രണ്ടു പേരെയും കണ്ടപ്പോൾ തലൈവർ തന്റെ സെക്യൂരിറ്റിയെ അരികിൽ വിളിച്ചു ചോദിച്ചു ‘എന്താണ് അവർ അവിടെ നിൽക്കുന്നത് ?! അവർക്ക് എന്താണ് വേണ്ടെതെന്ന് ചോദിക്കൂ.’ ഒപ്പം ഞങ്ങളുടെ നേരെ നോക്കി അദ്ദേഹം പുഞ്ചിരി തൂകി.
‘സർ, അവർ കേരളത്തിൽ നിന്നും അങ്ങയെ കാണാൻ വേണ്ടി ചെന്നൈ വരെ ബൈക്ക് ഓടിച്ചു വന്നതാണ്. കുറച്ച് ദിവസങ്ങളായി അങ്ങയെ കാണാൻ വേണ്ടി അവർ പരിശ്രമിക്കുന്നു. ഇപ്പോൾ ഇളവരശൻ സർ ആണ് അപ്പോയിന്റ്മെന്റ് കൊടുത്തത്. അങ്ങയെ കണ്ടിട്ട് വേണം അവർക്ക് നാട്ടിലേക്ക് മടങ്ങിപ്പോകാൻ എന്നാണ് പറയുന്നത്’. സെക്യൂരിറ്റി വിവരങ്ങളെല്ലാം തലൈവരോടു പറഞ്ഞു.
‘അയ്യയ്യോ, എന്തിനാണ് അവരെ ഇത്രയും ബുദ്ധിമുട്ടിച്ചത്. ഈ വിവരം എന്നെ നേരത്തെ തന്നെ അറിയിക്കാമായിരുന്നില്ലേ ?! ‘ ഇത് പറഞ്ഞുകൊണ്ട് സാക്ഷാൽ തലൈവർ ഞങ്ങൾക്ക് അരികിലേക്ക് നടന്നു വന്നു. ശേഷം ഞങ്ങളെ തോളോടു ചേർത്തു പിടിച്ചു.
‘എന്നെ കാണാൻ വേണ്ടി നിങ്ങൾ ഇത്രയും ബുദ്ധിമുട്ടിയ വിവരം എനിക്കു അറിയില്ലായിരുന്നു. ഇത് നേരത്തെ അറിഞ്ഞിരുന്നെങ്കിൽ ഞാൻ തന്നെ വന്നു നിങ്ങളെ കൂട്ടിക്കൊണ്ടു പോകുമായിരുന്നു.’ തലൈവരുടെ വാക്കുകൾ കേട്ടപ്പോൾ മനസ്സിൽ ഒരായിരം വട്ടം പറഞ്ഞു ‘ തലൈവാ….. യു ആർ ഗ്രേറ്റ്.
Rajanikanth’s simplicity