“വിവാഹത്തിന് മുൻപ് പ്രിയങ്കയെ പറ്റിയുള്ള ഈ കാര്യങ്ങൾ അറിയണം” – നിക്ക് ജോനാസിന് പ്രിയങ്ക ചോപ്രയുടെ സഹോദരി പരിണീതിയുടെ മുന്നറിയിപ്പ്
വാർത്തകളിൽ നിറഞ്ഞു നിന്ന പ്രണയമാണ് പ്രിയങ്ക ചോപ്രയുടെയും നിക്ക് ജോനാസിന്റെയും . ഇരുവരും തമ്മിലുള്ള പ്രായ വ്യത്യാസം കൊണ്ടും പല കാരണങ്ങൾകൊണ്ടും പ്രണയം വാർത്തകളിൽ നിറഞ്ഞു. ഇപ്പോൾ പ്രിയങ്കയെ വിവാഹം കഴിക്കുന്ന നിക്കിന് ചില ഉപദേശങ്ങൾ നൽകുകയാണ് പ്രിയങ്കയുടെ സഹോദരി പരിണിതി ചോപ്ര.
ജീവിതത്തില്‍ ഏറ്റവും മനോഹരമായ നിമിഷങ്ങളായിരിക്കും നിക് ജോനാസിന് ഈ വര്‍ഷം ലഭിക്കുന്നതെന്ന് പരിനീതി ചോപ്ര പറഞ്ഞു. പരിനീതിയുടെ വാക്കുകള്‍ ഇങ്ങനെ: ‘നിക്ക് ജോനാസ്, താങ്കള്‍ക്ക് ഒരുപാട് സന്തോഷം ലഭിക്കുന്ന വര്‍ഷമായിരിക്കു ഇത്. ഒരുപാട് സ്‌നേഹവും ഭാഗ്യവും നിങ്ങളില്‍ വന്നു ചേരും. കാരണം ഭാഗ്യമുള്ള ഒരു പെണ്‍കുട്ടി നിങ്ങളോടൊപ്പം ജീവിക്കാന്‍ പോവുകയാണ്. നന്നായി സ്‌നേഹിക്കാനറിയാവുന്ന പെണ്‍കുട്ടിയാണ് പ്രിയങ്ക. ഈ വര്‍ഷം എല്ലാ സൗഭാഗ്യങ്ങളും നിക് ജോനാസിനു ലഭിക്കട്ടെ.’
നികിനും പ്രിയങ്കയ്ക്കുമൊപ്പമുള്ള കുടുംബ ചിത്രവും പരിനീതി പങ്കുവെച്ചു. മുംബൈയില്‍ വെച്ച് കഴിഞ്ഞ മാസമായിരുന്നു പ്രിയങ്കയുടെയും നിക്കിന്റെയും വിവാഹ നിശ്ചയം.
pariniti chopra about priyanka chopra