നയൻ‌താര തേച്ചുവിട്ട പ്രഭുദേവയുടെ പുതിയ കാമുകി ഈ കന്നഡ നടിയോ ?!
“നയൻതാരയെ കുറിച്ച് ഒരക്ഷരം പോലും മിണ്ടരുത്. അവളെ കുറിച്ച് പോയിട്ട് അവളുടെ പേര് പോലും ഞാൻ ശ്രദ്ധിക്കാറില്ല” – നയൻതാരയുടെ പഴയ കാമുകൻ പ്രഭുദേവയുടേതാണ് ഈ വാക്കുകൾ. ഒരിക്കൽ പ്രേമിച്ച് പേരുകൾ പച്ചകുത്തി വരെ നടന്നിരുന്നവരാണ് രണ്ടു പേരുമെന്നതും ഓർക്കണം. ഇന്നവർ ബദ്ധശത്രുക്കളാണ്.
പ്രഭുദേവയുടെ നായികയാക്കാമെന്നു പറഞ്ഞു വന്ന ഒരു നിർമ്മാതാവിനെ നയൻസ് വീട്ടിൽ നിന്ന് ഓടിച്ചു വിട്ട വാർത്ത പുറത്തു വന്നതിന് പിന്നാലെയാണ് നയൻതാരയുടെ പേര് കേട്ട് പ്രഭുദേവയും കലി തുള്ളിയത്. ആ കാര്യത്തെ കുറിച്ച് ഓർക്കാൻ പോലും താൻ മിനക്കെടാറില്ലെന്നാണ് നടനും സംവിധായകനുമായ പ്രഭുദേവ അടുത്തിടെ ഒരഭിമുഖത്തിൽ പറഞ്ഞത്.
എന്നാൽ പ്രഭുദേവ പുതിയ പ്രണയിനിയെ കണ്ടെത്തിയെന്നാണ് ഗോസിപ്പുകൾ പ്രചരിക്കുന്നത്. തേജസി പ്രകാശ് എന്ന കന്നഡ നടിയാണത്രെ പ്രഭുദേവയുടെ പുതിയ കാമുകി. പ്രഭുദേവക്കൊപ്പം തേജസിയെ പല പാർട്ടികളിലും പബ്ബുകളിലുമൊക്കെ കണ്ടു തുടങ്ങിയതോടെയാണ് പാപ്പരാസികൾ ഈ വാർത്ത പ്രചരിപ്പിച്ചത്.
എന്നാൽ വാർത്തകളോട് രണ്ടു പേരും പ്രതികരിച്ചിട്ടില്ല. തനിക്ക് മറ്റൊരു വിവാഹമില്ലെന്നാണ് പ്രഭുദേവ പറയുന്നത്. കുട്ടികളും സിനിമയുമാണ് തനിക്കിപ്പോൾ വലുതെന്നും പ്രഭുദേവ പറഞ്ഞു. ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന സംവിധായകരിൽ ഒരാളാണ് പ്രഭുദേവ.
Prabhudeva’s new lover