വിജയ് ദേവരക്കൊണ്ടയും സാമന്തയും പ്രണയജോഡികളായെത്തിയ ഖുഷി ഒടിടിയിലേക്ക്.
ഒക്ടോബര്‍ ഒന്നിനാണ് ഒടിടി പ്ലാറ്റ് ഫോമായ നെറ്റ്ഫ്ലിക്സിൽ ചിത്രം പ്രദർശനത്തിനെത്തുക. സംവിധാനം ശിവ നിര്‍വാണയാണ് നിര്‍വഹിച്ചത്. റിലീസിന് 26 കോടി കളക്ഷൻ നേടിയ ചിത്രത്തിന്റെ ആകെ നേട്ടം 72 കോടി രൂപയാണ്.ചിത്രത്തിനറെ ബജറ്റ് 50 കോടിയായിരുന്നു. നടൻ വിജയ് ദേവെരകൊണ്ട ഒരു കോടി രൂപ 100 കുടുംബങ്ങള്‍ക്ക് ഒരു ലക്ഷം രൂപ വീതം ഖുഷിയുടെ വിജയത്തിന്റെ വീതിച്ചു നല്‍കിയിരുന്നു.
മലയാളിയായ ഹിഷാം അബ്‍ദുള്‍ വഹാബ് സംഗീത സംവിധാനം നിര്‍വഹിച്ച ഖുഷിയിലെ പാട്ടുകള്‍ എല്ലാം വൻ ഹിറ്റായിരുന്നു.സച്ചിൻ ഖേദേകര്‍, ശരണ്യ പൊൻവന്നൻ, മുരളിശര്‍മ, ജയറാം,വെന്നെല കിഷോര്‍, രാഹുല്‍ രാമകൃഷ്‍ണൻ, ശ്രീകാന്ത് അയ്യങ്കാര്‍ തുടങ്ങിയവരും ചിത്രത്തിൽ പ്രധാന വേഷത്തിലുണ്ട്. വൻ കളക്ഷൻ നേടാൻ കഴിഞ്ഞില്ലെങ്കിലും തിയേറ്ററുകളിൽ മികച്ച അഭിപ്രായം ചിത്രം സ്വന്തമാക്കിയിരുന്നു.