മഞ്ജു വാര്യരുടെ ഏറ്റവും പുതിയ ചിത്രം ചതുര്‍മുഖത്തിന്റെ ഷൂട്ടിംഗിനിടെ താരത്തിന് പരുക്ക്. കയറുകള്‍ ഉപയോഗിച്ച് ഒരു ആക്ഷന്‍ രംഗം ചിത്രീകരിക്കുന്നതിനിടയിലാണ് അപകടം സംഭവിച്ചത്. തിരുവനന്തപുരത്താണ് ഷൂട്ടിംങ് നടന്നത്. ഇതാദ്യമായാണ് മഞ്ജു ഇത്തരമൊരു സീക്വന്‍സ് ചെയ്യുന്നതെന്നാണ് അണിയറയില്‍ നിന്നുള്ള വിവരം. ആദ്യം രംഗം ഒരു ഡ്യൂപ്പിനെ ഉപയോഗിച്ച് ആസൂത്രണം ചെയ്തിരുന്നു, പക്ഷേ അവര്‍ ആ രംഗം ചെയ്യാന്‍ താല്‍പ്പര്യം പ്രകടമാക്കി. രണ്ട് ദിവസത്തേക്ക് അത് നന്നായി ചെയ്തു. മൂന്നാം ദിവസം, ഒരു ചാട്ടത്തിനിടയില്‍ വഴുതിപ്പോയി, അപ്പോള്‍ ഉളുക്കുകയായിരുന്നു.
നവാഗതരായ സലില്‍ വി , രഞ്ജിത് കമല ശങ്കര്‍ എന്നിവര്‍ ചേര്‍ന്ന് സംവിധാനം ചെയ്യുന്ന ചിത്രമാണിത്. ജിസ് ടോംസ് നിര്‍മിക്കുന്ന ചിത്രത്തിന്റെ രചന അനില്‍കുമാര്‍, അഭയ കുമാര്‍ എന്നിവര്‍ ചേര്‍ന്നാണ് നിര്‍വഹിക്കുന്നത്. പരുക്കിന്റെ വേദന മാറാത്തതിനാല്‍ ജനുവരി 12ന് സൂര്യ ഫെസ്റ്റിവലില്‍ നിശ്ചയിച്ചിരുന്ന തന്റെ നൃത്തം മാറ്റിവെക്കുന്നതിന് മഞ്ജു വാര്യര്‍ ആവശ്യപ്പെട്ടിട്ടുണ്ട്. പക്ഷെ, ഷൂട്ടിംഗില്‍ മഞ്ജു പങ്കെടുക്കുന്നുണ്ട്. ജനുവരി 23ന് പൂര്‍ണമായും ഷൂട്ടിംഗ് അവസാനിപ്പിക്കുന്നതിന് അനുസരിച്ച് കാര്യങ്ങള്‍ ക്രമീകരിച്ചാണ് ഷൂട്ടിംഗ് മുന്നോട്ട് പോകുന്നത്.
manju