നന്ദമൂരി ഹരികൃഷ്ണയുടെ മൃതദേഹത്തിനൊപ്പം സെൽഫി ; 4 ആശുപത്രി ജീവനക്കാരെ പുറത്താക്കി..
വാഹനാപകടത്തിൽ അന്തരിച്ച നടനും രാഷ്ട്രീയ നേതാവുമായ നന്ദമൂരി ഹരികൃഷ്ണയുടെ മൃതദേഹത്തിനൊപ്പം സെല്ഫിയെടുത്ത ആശുപത്രി ജീവനക്കാരെ പുറത്താക്കി. ആന്ധ്ര പ്രദേശ് മുഖ്യമന്ത്രിയും തെലുങ്ക് ദേശം പാർട്ടി നേതാവുമായ എൻ ടി ആറിന്റെ മകനാണ് നന്ദമൂരി ഹരികൃഷ്ണ .
ജീവനക്കാരുടെ പ്രവർത്തിയിൽ ആശുപത്രി അധികൃതർ മാപ്പു ചോദിച്ചു. ഹൈദരാബാദിലെ കമിനേനി ആശുപത്രിയിലാണ് നന്ദമൂരി ഹരികൃഷ്ണയുടെ മൃതദേഹം പ്രവേശിപ്പിച്ചത്. ഗുരുതര പരിക്കുകളോടെ പ്രവേശിപ്പിച്ച ഹരികൃഷ്ണയുടെ മരണം സ്ഥിരീകരിച്ച ശേഷമാണ് ജീവനക്കാർ സെൽഫിയെടുത്തത്.
ഈ ചിത്രം ഇവർ പുറത്തു വിട്ടതോടെ സമൂഹ മാധ്യമങ്ങൾ ഏറ്റെടുക്കുകയും വിമർശനങ്ങൾ ഉയരുകയും ചെയ്തതോടെയാണ് ജീവനക്കാർക്കെതിരെ ആശുപത്രി അധികൃതർ നടപടി എടുത്തത്.
hospital staff takes selfie with actor nandamuri harikrishnas body