ചിമ്പുവിനോടുള്ള ആരാധന മൂത്ത് ശരീരത്തിൽ കമ്പി കയറ്റി ജെ സി ബിയിൽ തൂങ്ങി കട്ടൗട്ടില്‍ പാലഭിഷേകം നടത്തി ആരാധകൻ – വീഡിയോ വൈറലാകുന്നു
സിനിമ താരങ്ങളോട് ആരാധന അമിതമാകുന്നത് ആദ്യമല്ല . ഇ ആരാധനാ അതിരു കടക്കുന്നത് മലയാള സിനിമയിൽ അത്ര സജീവമല്ലെങ്കിലും തമിഴ് സിനിമയിൽ അങ്ങനെയാണ്. ഇപ്പോൾ തമിഴ് നടൻ ചിമ്പുവിനോടുള്ള ആരാധന അതിരു കടന്ന ആരാധകൻ കാണിച്ചത് അതി ഭീകരമായ കാര്യങ്ങളാണ്.
മണിരത്‌നം സംവിധാനം ചെയ്ത ചെക്ക ചിവന്ത വാനം എന്ന സിനിമ തിയേറ്ററുകളിലെത്തിയപ്പോഴാണ് സംഭവം. സിമ്പുവിനോടുള്ള ആരാധന തലയ്ക്കു പിടിച്ച ഒരാള്‍ ശരീരത്തില്‍ കമ്പി കയറ്റി ജെ.സി.ബിയില്‍ തൂങ്ങിയാണ് കട്ടൗട്ടില്‍ പാലഭിഷേകം നടത്തിയിരിക്കുന്നത്. സംഭവം സാമൂഹിക മാധ്യമങ്ങളില്‍ വൈറലായതോടെ ശക്തമായ വിമര്‍ശനങ്ങളാണ് ഉയരുന്നത്. ഇത്തരത്തിലുള്ള ആരാധനക്കെതിരേ ശക്തമായ നടപടികള്‍ സ്വീകരിക്കണമെന്ന ആവശ്യവും ഉയര്‍ന്നിരിക്കുകയാണ്.
കുറച്ച് നാളുകള്‍ക്ക് മുന്‍പ് അല്ലു അര്‍ജുന്റെ നാ പേരു സൂര്യ എന്ന സിനിമ പുറത്തിറങ്ങിയപ്പോള്‍ ഒരു കൂട്ടം യുവാക്കള്‍ വിരല്‍ മുറിച്ച് കട്ടൗട്ടില്‍ രക്താഭിഷേകം നടത്തി ആഘോഷിച്ചതും വലിയ വിവാദമായിരുന്നു.
fan hurts himself for simbu