മമ്മൂട്ടി ചിത്രം ബിലാലിൽ ഫഹദ് ഫാസിലും ?! ഈ കഥാപാത്രമായെത്തുന്നത് ഫഹദ് ആണെന്ന് റിപ്പോർട്ടുകൾ…
മലയാളി പ്രേക്ഷകർക്ക് പുത്തൻ സിനിമാ അനുഭവം സമ്മാനിച്ച ചിത്രമായിരുന്നു മമ്മൂട്ടി നായകനായി എത്തിയ ബിഗ് ബി. അമൽ നീരദ് സംവിധാനം ചെയ്‌ത ചിത്രം മലയാളത്തിലെ ആദ്യത്തെ മാസ്സ് സ്റ്റൈലിഷ് ആക്ഷൻ സിനിമയായിരുന്നു. മമ്മൂട്ടിയുടെ തകർപ്പൻ പ്രകടനം കൂടി ആയതോടെ ചിത്രം മലയാളികൾക്ക് ഒരു പുതിയ അനുഭവമായി മാറി. അമൽ നീരദ്, ഉണ്ണി ആർ എന്നിവർ ചേർന്നായിരുന്നു ചിത്രത്തിന് കഥ ഒരുക്കിയത്.
ബാല, മനോജ്.കെ.ജയൻ, മമത മോഹൻദാസ് എന്നിവരായിരുന്നു ചിത്രത്തിലെ അഭിനേതാക്കൾ. ചിത്രത്തിന്റെ രണ്ടാം ഭാഗം അടുത്തവർഷം ഇറങ്ങുമെന്ന് വ്യക്തമാക്കിയിട്ടുണ്ട്. ബിലാൽ എന്നിട്ടിരിക്കുന്ന ചിത്രം സംവിധാനം ചെയ്യുന്നത് അമൽ നീരദ് തന്നെയാണ്.
ബിലാൽ പ്രഖ്യാപിച്ച അന്നുമുതൽ ആരാധകർ വലിയ പ്രതീക്ഷയിലാണ്. ചിത്രത്തിലെ മറ്റു താരങ്ങൾ ആരൊക്കെയാണെന്ന് ഔദ്യോഗികമായി പ്രഖ്യാപിച്ചിട്ടില്ലെങ്കിലും ഇപ്പോൾ ചിത്രത്തിൽ ഫഹദും ഉണ്ടെന്ന് റിപ്പോർട്ടുകൾ പുറത്തു വരുന്നുണ്ട്. അബു ജോൺ കുരിശിങ്കൽ എന്ന കഥാപാത്രമായാണ് ഫഹദ് ഫാസിൽ എത്തുക.
Fahadh Faasil in Mammootty’s Bilal