ബിഗ് ബോസ് ഷോയിൽ ജയലളിതയെ ആക്ഷേപിച്ചു – കമൽ ഹാസനെതിരെ കേസ് ..
തമിഴ്‌നാട്ടിൽ ജയലളിത ദൈവമാണ്. അവരുടെ മരണം ആ നാട്ടിലുണ്ടാക്കിയ ഓളങ്ങൾ ഇപ്പോളും അടങ്ങിയിട്ടില്ല. ജയലളിതയെ കുറിച്ചുള്ള പരാമർശങ്ങൾ പോലും വിവാദമാകുന്ന അവസ്ഥയാണ് തമിഴ് നാട്ടിൽ. ഇപ്പോൾ അത്തരമൊരു വിവാദത്തിൽ പെട്ടിരിക്കുകയാണ് കമൽ ഹാസൻ.
ജയലളിതയെ സ്വേച്ഛാധിപതിയെന്ന് പരാമര്‍ശിച്ചതിന് കമല്‍ഹാസനെതിരേ മാനഷ്ടക്കേസ്. വിജയ് ടിവിയുടെ ബിഗ്‌ബോസ് 2 വിലാണ് കമല്‍ഹാസന്റെ പരാമര്‍ശം വന്നത്.അഭിഭാഷകന്‍ ലൂയിസല്‍ രമേഷാണ് പരാതിക്കാരന്‍. വിശ്വരൂപം നിരോധനത്തെക്കുറിച്ച്‌ പരാമര്‍ശിക്കവേയാണ് കമല്‍ കുടുക്കില്‍ പെട്ടത്. ജയലളിതയോടുള്ള കടുത്ത രാഷ്ട്രീയ വിരോധം കമല്‍ പ്രകടിപ്പിക്കുകയായിരുന്നുവെന്ന് ചൂണ്ടിക്കാട്ടപ്പെടുന്നു.
വിശ്വരൂപം രണ്ടാം ഭാഗം റിലീസാകാനിരിക്കെയാണ് ഈ് വിവാദം. വിശ്വരൂപത്തിന്റെ ഒന്നാം ഭാഗത്തില്‍ ഇസ്ലാം വിരുദ്ധ ദൃശ്യങ്ങളുണ്ടെന്ന് ആരോപിച്ച ഒരു വിഭാഗം ഭീഷണിയുമായി ഇറങ്ങിയപ്പോള്‍ ക്രമസമാധാന പ്രശ്‌നങ്ങളുടെ പേരില്‍ 2013 ല്‍ ജയലളിത സിനിമാ പ്രദര്‍ശനം നിരോധിച്ചിരുന്നു.
complaint against kamal hassan