നടി അനശ്വര വിവാഹിതയാകുന്നു. എഞ്ചിനീയറായ ദിൻഷിത്ത് ദിനേശാണ് വരൻ. ഓർമയിൽ ഒരു ശിശിരം എന്ന ചിത്രത്തിലൂടെ ശ്രദ്ധ നേടിയ നേടിയ താരമാണ് അനശ്വര
അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ ഞായറാഴ്ച നിശ്ചയം നടന്നു. അടുത്ത വർഷമായിരിക്കും വിവാഹം നടക്കുക . പ്രതിശ്രുത വരനൊപ്പം നില്‍ക്കുന്ന നിരവധി ചിത്രങ്ങളാണ് നടി ഇന്‍സ്റ്റാഗ്രാം പേജിലൂടെ പങ്കുവെച്ചിരിക്കുന്നത്. സന്തോഷത്തോടെ ഞങ്ങള്‍ എന്‍ഗേജ്ഡ് ആയെന്ന് പറഞ്ഞായിരുന്നു നടി ഫോട്ടോസ് പുറത്ത് വിട്ടത്.
പിന്നാലെ ഇരുവര്‍ക്കും ആശംസകളുമായി ആരാധകരുമെത്തി. അന്തരിച്ച വിവേക് ആര്യൻ സംവിധാനം ചെയ്ത ചിത്രമായ ഓർമയിൽ ഒരു ശിശിരം 2019 ലാണ് റിലീസായത്. ദീപക് പറമ്പോലായിരുന്നു ചിത്രത്തിലെ നായകൻ. ജീത്തു ജോസഫിന്റെ സഹായിയായി പ്രവർത്തിച്ചിരുന്ന വിവേകിന്റെ ആദ്യ സംവിധാന സംരംഭമായിരുന്നു ഈ ചിത്രം.