ആഷിഖി 2വിലൂടെ ശ്രദ്ധ നേടിയ നടനാണ് ആദിത്യ റോയ് കപൂര്‍. മലയാളത്തിലും നടന് ആരാധകർ ഏറെയാണ്. ഇപ്പോഴിതാ നടൻ സല്‍മാനൊപ്പമുള്ള ചിത്രീകരണ ഓര്‍മ്മകള്‍ പങ്കുവെച്ചിരിക്കുകയാണ് ആദിത്യ റോയ് കപൂര്‍. ലണ്ടന്‍ ഡ്രീംസ് എന്ന സിനിമയിലെ തന്റെ ആദ്യരംഗത്തെ കുറിച്ചും ആദിത്യ മനസ്സ് തുറക്കുന്നുണ്ട്.
ലണ്ടനിലെ ഒരു ആശുപത്രിയില്‍ വെച്ചുള്ളതായിരുന്നു ഈ രംഗം. സല്‍മാന്‍ ഖാനും അജയ് ദേവ്ഗണും രണ്‍വിജയ് സിംഗുമുണ്ടായിരുന്നു ഈ രംഗത്തില്‍ അഭിനയിക്കാനായി. ആശുപത്രി കിടക്കയില്‍ കിടന്നു കൊണ്ട് സല്‍മാന്‍ ഖാനോട് ദേഷ്യപ്പെടുന്നതായിരുന്നു രംഗം.
”എനിക്കറിയാമായിരുന്നു ഇത് അഭിനയം മാത്രമാണെന്ന്. പക്ഷെ അത് ചെയ്യാനുള്ള ധൈര്യം ഉണ്ടാക്കിയെടുക്കണമായിരുന്നു. എനിക്കോര്‍മ്മയില്ല എത്ര റീടേക്കുകളാണ് എടുത്തതെന്ന്. ഭാഗ്യത്തിന് അദ്ദേഹം കണ്ണുകള്‍ അടച്ചു. ഇതോടെ എനിക്കിത്തിരി ധൈര്യം വന്നു. പക്ഷെ ഞാന്‍ കുറച്ച് ഓവര്‍ ആയാണ് ആ ഡയലോഗുകള്‍ പറഞ്ഞത്. ഒരു ഘട്ടത്തില്‍ സല്‍മാന്‍ ഭായ് ഒരു കണ്ണ് മാത്രം തുറന്ന് എന്നെ നോക്കി. എന്താണ് എന്ന് ചോദിച്ചു” ചോദ്യം കേട്ടതും പേടിച്ചു പോയ ഞാന്‍ ഉടനെ തന്നെ മാപ്പ് ചോദിച്ചു എന്നാല്‍ സല്‍മാന്‍ ഖാന്‍ പൊട്ടിച്ചിരിക്കുകയായിരുന്നു ആദിത്യ ഓര്‍ക്കുന്നു.
”ഒരു നിമിഷത്തേക്ക് അദ്ദേഹം എന്നെ പേടിപ്പിച്ചു കളഞ്ഞു. പക്ഷെ അതിന് ശേഷം എല്ലാം ശരിയായി. താന്‍ തമാശയ്ക്ക് ചെയ്തതാണെന്നും ഇതൊക്കെ അഭിനയം ആണെന്നും സല്‍മാന്‍ ഭായ് പറഞ്ഞു. അജയ് സാറും സല്‍മാന്‍ ഭായിയും എന്നെ വളരെയധികം കംഫര്‍ട്ട് ആക്കി. പിന്നെയെല്ലാം എളുപ്പമായിരുന്നു” എന്നാണ് ആദിത്യ പറയുന്നത്.
എന്തായാലും സിനിമ വലിയ വിജയമായി മാറിയില്ലെന്നതാണ് വസ്തുത. പക്ഷെ ആദിത്യയുടെ പ്രകടനം ശ്രദ്ധിക്കപ്പെട്ടിരുന്നു