തെലുങ്ക് ചിത്രം ഹലോയിലൂടെ സിനിമയില് അരങ്ങേറിയ കല്യാണി പ്രിയദര്ശൻ തുടര്ന്ന് തമിഴിലും സിനിമകള് ചെയ്തു. നിലവില് വിനീത് ശ്രീനിവാസന്റെ സംവിധാനത്തില് ഒരുങ്ങുന്ന ഹൃദയമാണ് കല്യാണി പ്രിയദര്ശന്റെ പുതിയ ചിത്രം. ഇപ്പോഴിതാ സിനിമയില് ആര്ക്കൊപ്പം അഭിനയിക്കാനാണ് എറ്റവും ഇഷ്ടപ്പെടുന്നത് എന്ന ചോദ്യത്തിന് നടി നല്കിയ മറുപടി ശ്രദ്ധേയമായിരുന്നു. ഒരു സ്വകാര്യ എഫ് എം ചാനലിന് നല്കിയ അഭിമുഖത്തിലായിരുന്നു കല്യാണി പ്രിയദര്ശന് മനസുതുറന്നത്. ലോകത്ത് വളരെ രസികനായിട്ടുളള ആര്ക്കൊപ്പം അഭിനയിക്കാനും എനിക്ക് ഇഷ്ടമാണെന്ന് കല്യാണി പറയുന്നു.
ലൊക്കേഷന് തമാശകള് കൊണ്ട് നിറയ്ക്കുന്ന ഒരാള് ആണ് നായകനെങ്കില് ഞാന് ഒരുപാട് ഹാപ്പിയാണ്. അങ്ങനെയുളളവരുമായി അസോസിയേറ്റ് ചെയ്യുമ്പോള് നമ്മളും അവര്ക്കൊപ്പം കുളമാകും. വരനെ ആവശ്യമുണ്ട് എന്ന ചിത്രത്തിലൂടെ കഴിഞ്ഞ വര്ഷം മലയാളത്തില് തിളങ്ങിയ താരമാണ് കല്യാണി പ്രിയദര്ശന്. സുരേഷ് ഗോപിയും ദുല്ഖര് സല്മാനും നായകന്മാരായ ചിത്രത്തില് ശ്രദ്ധേയ പ്രകടനമാണ് നടി കാഴ്ചവെച്ചത്. വരനെ ആവശ്യമുണ്ട് ചിത്രത്തിന് പിന്നാലെ മരക്കാര് അറബിക്കടലിന്റെ സിംഹം, ഹൃദയം തുടങ്ങിയ സിനിമകളിലും നടി അഭിനയിച്ചിരുന്നു. തെലുങ്കില് നാഗാര്ജുനയുടെ മകന് അഖില് അക്കിനേനിയായിരുന്നു കല്യാണിയുടെ ആദ്യ നായകന്. പിന്നാലെ സായി ധരം തേജ്, ഷര്വാനന്ദ്, തുടങ്ങിയവരുടെ നായികയായും കല്യാണി അഭിനയിച്ചു. തമിഴില് ശിവകാര്ത്തികേയനൊപ്പമുളള ഹീറോയാണ് കല്യാണിയുടെ ആദ്യ ചിത്രം. പിന്നാലെ പുത്തം പുതുകാലൈ എന്ന ആന്തോളജി ചിത്രത്തിലും തമിഴില് കല്യാണി അഭിനയിച്ചു. ഒടിടി പ്ലാറ്റ്ഫോം വഴിയാണ് സിനിമ പ്രേക്ഷകരിലേക്ക് എത്തിയത്.
about an actress