പൊതുവെ ശരീര വലിപ്പത്തിന്റെ പേരിൽ താരങ്ങൾക്ക് നേരെ വിമർശനങ്ങളും സൈബർ ആക്രമണങ്ങളും ഉണ്ടാകാറുണ്ട് . സോഷ്യൽ മീഡിയയിലൂടെ താരങ്ങളെ അപകീർത്തിപ്പെടുത്തുന്നത് സ്ഥിരം പല്ലവിയാണ് . ശരീര ഘടനയുടെ പശ്ചാത്തലത്തിൽ വിലയിരുത്തുന്നത് തെറ്റാണെന്ന് അറിഞ്ഞിട്ട് പോലും നിരന്തരം ആക്രമണങ്ങൾ തുടരാറുണ്ട് . നടിമാർക്ക് നേരേയും നടന്മാർക്ക് നേരേയും ഒരുപോലെ ഇത്തരത്തിലുള്ള വിമർശനങ്ങൾ ഉയർന്നു വരാറുണ്ട് . ഇങ്ങനെ ശരീര വലിപ്പത്തിന്റെ പേരിൽ കളിയാക്കലുകളും വിമർശനങ്ങളും നേരിടേണ്ടി വന്ന താരമാണ് ബോളിവുഡ് നിർമ്മാതാവ് ബോണി കപൂറിന്റെ മകൻ അർജുൻ കപ്പൂർ. ഇപ്പോൾ 50 കിലോ ഭാരമാണ് താരം കുറിച്ചിരിക്കുന്നത് . കഴിഞ്ഞ മൂന്ന് വർഷം കൊണ്ടാണ് താരം ഭാരം കുറിച്ചിരിക്കുന്നത് .
കഠിനമായ പ്രയത്നത്തിലൂടെയാണ് ഇത് സാധ്യമായതെന്ന് താരം പറയുന്നു. തടി കുറയ്ക്കാനുള്ള പോരാട്ടത്തെ കുറിച്ച് താരം പറയുന്നത് ഇങ്ങനെ:-
ചെറുപ്പം മുതലെ വണ്ണം കുറയ്ക്കാനുളള പോരാട്ടം ആരംഭിച്ചിരുന്നു. വിട്ടു വീഴ്ചയില്ലാതെ കഠിനമായ പോരാട്ടത്തിനൊടുവിലാണ് വിജയിച്ചത്. കഷ്ടപ്പെടാൻ തയ്യാറായാൽ ആഴ്ചകളോ മാസങ്ങളോ വർഷങ്ങളോ കൊണ്ട് അതിന്റെ ഫലം ലഭിക്കുക തന്നെ ചെയ്യും. വ്യായാമത്തിന്റെ കാര്യത്തിൽ വിട്ട് വീഴ്ചയ്ക്ക് തയ്യാറല്ലെന്ന് താൻ നേരെത്തെ തന്നെ വിചാരിച്ചിരുന്നു. അതിന്റെ ഫലമായിട്ടാണ് മൂന്ന് വർഷം കൊണ്ട് 50 കിലോ കുറ‍ഞ്ഞത്.
വർക്കൗട്ട് ചെയ്യുന്ന ചിത്രങ്ങളോടൊപ്പമാണ് തന്റെ അനുഭവ കുറിപ്പ് താരം പങ്കുവെച്ചിരിക്കുന്നത് . അഷ്തോഷ് ഗൊവാരികൾ സംവിധാനം ചെയ്യുന്ന പാനിപത്തിന്റെ തയ്യാറെടുപ്പിലാണ് താരം. മറാഠി പോരാളി സാധാശിവ റാവൂ ബൗവയായിട്ടാണ് അർജുൻ എത്തുന്നത്. കൃതി സനൻ, സഞ്ജയ് ദത്ത്, പത്മിനി കൊൽഹാപുരെ എന്നിവരാണ് ചിത്രത്തിൽ മറ്റു കഥാപാത്രങ്ങളെ അവതരിപ്പിക്കുന്നത്.
fitness-weightloss story-fitness- arjunkapoor tells