ചൊവ്വാഴ്‌ചക്കുള്ളിൽ തീരുമാനം അറിയിക്കണം !! താരസംഘടനക്ക് അന്ത്യശാസനം നൽകി WCC….
താര സംഘടനയായ അമ്മയ്ക്ക് അന്ത്യശാസനവുമായി നടിമാര്‍ വീണ്ടും. ദിലീപിനെ തിരിച്ചെടുക്കുന്ന തീരുമാനത്തെ എതിര്‍ത്ത നടിമാര്‍ സംഘടനയ്ക്ക് ഇത് സംബന്ധിച്ച്‌ കത്ത് നല്‍കിയിരുന്നു. സംഘടനയുടെ ഭാഗത്ത് നിന്ന് കൃത്യമായ വിശദീകരണം ലഭിക്കാത്തതിനാല്‍ നടിമാര്‍ മൂന്നാമതും കത്ത് നല്‍കിയിരിക്കുകയാണ്. തങ്ങള്‍ സംഘടനയില്‍ വച്ച നിര്‍ദ്ദേശങ്ങള്‍ക്ക് ഉടന്‍ മറുപടി വേണമെന്ന് ആവശ്യപ്പെട്ട് രേവതിയാണ് വീണ്ടും കത്തു നല്‍കിയത്.
ചൊവ്വാഴ്ചയ്ക്കുള്ളില്‍ അന്തിമ തീരുമാനം അറിയിക്കണമെന്നാണ് കത്തില്‍ ആവശ്യപ്പെട്ടിരിക്കുന്നത്. കോടതി കുറ്റവിമുക്തനാക്കുന്നതു വരെ ആരോപണ വിധേയനായ ദിലീപിനെ സംഘടനയിലേക്ക് തിരിച്ചെടുക്കരുതെന്നതാണ് നടിമാര്‍ വച്ച പ്രധാന നിര്‍ദ്ദേശം. ഇതിനായി നിയമോപദേശം തേടണം എന്നും മോഹന്‍ലാലിന്റെ നേതൃത്വത്തില്‍ നടന്ന ചര്‍ച്ചയില്‍ ഇവര്‍ ആവശ്യപ്പെട്ടു.
WCC gives last warning to AMMA