വൈകാശി ഉത്സവത്തോടനുബന്ധിച്ച് പതിവ് മുടക്കാതെ കന്യാകുമാരി ഭഗവതി ദര്ശനം നടത്തി നയന്താരയും വിഘ്നേഷും.
‘മൂക്കുത്തി അമ്മന്’ പുറത്തിറങ്ങിയതിന് ശേഷം എല്ലാ വര്ഷവും കന്യാകുമാരി ഭഗവതിയമ്മന് ക്ഷേത്രത്തിലെ ഉത്സവദിവസം അമ്മയെ ദര്ശിക്കുന്നത് നയന്താര പതിവാക്കിയിരുന്നു. കന്യാകുമാരിയുടെ പരിസര പ്രദേശങ്ങളിലായിരുന്നു ഈ സിനിമയുടെ ചിത്രീകരണം.
പതിവസരിച്ച്, വൈകാശി ഉത്സവത്തിന്റെ തലേദിവസം ( മെയ് 13) ഭഗവതിയമ്മന് ക്ഷേത്രത്തില് ദര്ശനത്തിനെത്തിയ നയന്താര ഭര്ത്താവിനൊപ്പം സ്വാമിത്തോപ്പ് അയ്യാവഴി ക്ഷേത്രം, സുശീന്ദ്രം താണുമാലയസ്വാമി ക്ഷേത്രം, നാഗര്കോവില് നാഗരാജ ക്ഷേത്രം എന്നിവിടങ്ങളിലും ദര്ശനം നടത്തി.
ഇരുവരെയും കാണാന് ധാരാളം ആരാധകര് ഈ ക്ഷേത്രങ്ങള്ക്ക് പുറത്ത് കാത്തുനില്ക്കുകയായിരുന്നു .ഇവിടങ്ങളില് ദര്ശനം നടത്തിയ ശേഷം അവിടെ തടിച്ചുകൂടിയ ആരാധകര്ക്കൊപ്പം ഇവര് സെല്ഫികളെടുത്തു.