ആട്ടവും, പാട്ടുമൊക്കെയായി യു.കെ.ഓക്കേ എന്ന ചിത്രത്തിൻ്റെ ഒഫീഷ്യൽ ട്രെയിലർ എത്തി. അരുൺ വൈഗ സംവിധാനം ചെയ്യുന്ന ഈ ചിത്രം. മെയ് ഇരുപത്തിമൂന്നിന് പ്രദർശനത്തിനെത്തുന്നതിൻ്റെ ഭാഗമായിട്ടാണ് ട്രയിലർ പുറത്തുവിട്ടിരിക്കുന്നത്. ഫ്രാഗ്രനൻ്റ് നേച്ചർ ഫിലിംസ്, പൂയപ്പള്ളി ഫിലിംസ് എന്നീ ബാനറുകളിൽ ആൻ,സജീവ്, അലക്സാണ്ടർ മാത്യു എന്നിവരാണ് ഈ ചിത്രം നിർമ്മിക്കുന്നത്.
മനോഹരമായ ദൃശ്യഭംഗിയും, യുവത്വത്തിൻ്റെ ആഹ്ളവുമൊക്കെ ഒരു ഗാന രംഗത്തിലൂടെ ഈ ട്രയിലറിൽ പ്രകടമാകുന്നു. എടാചങ്കൊറപ്പുള്ളവനാണങ്കിൽ ജീവിച്ചു കാണിക്കണം. എന്നുള്ള വാക്കുകൾ ഉറച്ച മനസ്സിൻ്റെ പ്രതിഫലനവുമായി കാണാം.
ഹൃദ്യമായ ഇത്തരം മുഹൂർത്തങ്ങളും ഈ ട്രെയിലറിൽ കാണാം.
ഇതെല്ലാം കാട്ടിത്തരുന്നത് ഈ ചിത്രം എല്ലാ വിഭാഗം പ്രേക്ഷകർക്കും ഒരുപോലെ ആസ്വദിക്കുവാൻ പോരുന്ന ഒരു കലാവിരുന്നു തന്നെയായിരിക്കും എന്നാണ്. ക്ലീൻ എൻ്റർടൈനർ കാതലായ ഒരു സാമൂഹ്യവിഷയവും ഈ ചിത്രം കൈകാര്യം ചെയ്യുന്നുണ്ട്. യുവ നായകൻ രഞ്ജിത്ത് സജീവും ജോണി ആൻ്റെണിയും ലീഡ് റോളിൽ എത്തുന്നുണ്ട്.
മനോജ്.കെ. ജയൻ, ഇന്ദ്രൻസ്, ഡോ. റോണി. മനോജ്.കെ.യു.മഞ്ജു പിള്ള , സംഗീത, മീരാവാസുദേവ്, സാരംഗി ശ്യാം എന്നിവരും പ്രശസ്ത സംഗീത സംവിധായകൻ അൽഫോൻസ് പുത്രനും ഈ ചിത്രത്തിൽ സുപ്രധാനമായ ഒരു കഥാപാത്രത്തെ അവതരിപ്പിക്കുന്നു. ശബരീഷ് വർമ്മയുടേതാണു ഗാനങ്ങൾ.
പാലാ ഭരണങ്ങാനം, കട്ടപ്പന, ഈരാറ്റുപേട്ട, ചെന്നൈ, മൂന്നാർ, കൊച്ചി, ഗുണ്ടൽപ്പെട്ട് എന്നിവിടങ്ങളിലായി ചിത്രീകരണം പൂർത്തിയാക്കിയ ഈ ചിത്രത്തിൻ്റെ നിർമ്മാണ പ്രവർത്തനങ്ങൾ പൂർത്തിയായി വരുന്നു. മെയ് ഇരുപത്തി മൂന്നിന് ഈ ചിത്രം പ്രദർശനത്തിത്തുന്നുവെന്നും പ്രമുഖ പിആർഓ വാഴൂർ ജോസ് അറിയിച്ചു.
സംഗീതം -രാജേഷ് മുരുകേശൻ
ഛായാഗ്രഹണം – സിനോജ്.പി. അയ്യപ്പൻ
എഡിറ്റിംഗ് – അരുൺ വൈഗ
കലാസംവിധാനം – സുനിൽ കുമരൻ
മേക്കപ്പ് – ഹസ്സൻ വണ്ടൂർ
കോസ്റ്റ്യും ഡിസൈൻ – മെൽവി ജെ
നിശ്ചല ഛായാഗ്രഹണം. ബിജിത്ത് ധർമ്മടം
ചീഫ് അസ്സോസ്സിയേറ്റ് ഡയറക്ടർ കിരൺ റാഫേൽ
ലൈൻ പ്രൊഡ്യുസർ – ഹാരിസ് ദേശം
പ്രൊഡക്ഷൻ എക്സിക്കുട്ടീവ് – വിനോഷ് കൈമൾ
പ്രൊഡക്ഷൻ കൺട്രോളർ -റിനിൽ ദിവാകർ