തെലുങ്ക് സീരിയല്‍ താരങ്ങളായ ഭാര്‍ഗവി (20), അനുഷ റെഡ്ഡി (22) എന്നിവരാണു കഴിഞ്ഞ ദിവസം ഉണ്ടായ വാഹനാപകടത്തില്‍ മരണപ്പെട്ടത് .ഇതേ കാറിൽ സഞ്ചരിച്ചിരുന്ന ഡ്രൈവര്‍ക്കും സഹയാത്രികനും വാഹനാപകടത്തിൽ പരിക്കേറ്റിരുന്നു .
ഇപ്പോൾ വീണ്ടും ചർച്ച ആകുകയാണ് കഴിഞ്ഞ ബുധനാഴ്ച നടന്ന അപകടം .ഇവര്‍ സഞ്ചരിച്ചിരുന്ന കാര്‍ മരത്തിലിടിച്ചായിരുന്നു അപകടം. എതിരെ വന്ന ട്രക്കില്‍ കാര്‍ ഇടിക്കുന്നത് ഒഴിവാക്കാനായി ഡ്രൈവര്‍ വാഹനം വെട്ടിച്ചപ്പോള്‍ റോഡരികിലെ മരത്തിലിടിക്കുകയായിരുന്നു. ഭാര്‍ഗവി സംഭവ സ്ഥലത്ത് വച്ചു തന്നെ മരിച്ചു. ഹൈദരാബാദിലെ ഉസ്മാനിയ ആശുപത്രിയില്‍ വച്ചായിരുന്നു അനുഷയുടെ മരണം.
ഇരുവരും പിന്‍സീറ്റിലായിരുന്നു ഇരുന്നത് എന്നാണ് കരുതുന്നത്. എന്നാല്‍ വാഹനത്തിന്‍റെ മുന്‍ഭാഗം മരത്തിലിടിച്ചു പൂര്‍ണമായി തകര്‍ന്നിട്ടും ഡ്രൈവറും സഹായിയും രക്ഷപ്പെടുകയും നടിമാര്‍ മരിക്കുകയും ചെയ്‍തതാണ് ഇപ്പോള്‍ ചര്‍ച്ച. ഇരുവരും സീറ്റ്ബെല്‍റ്റ് ധരിക്കാത്തതാണ് മരണകാരണമെന്നാണ് കരുതുന്നത്.
കൃത്യമായ രീതിയിൽ സീറ്റ് ബെൽറ്റ് ഉപയോഗിക്കുന്നതിലൂടെ മരണകാരണമായേക്കാവുന്ന അപകടങ്ങൾ 45 മുതൽ 50 ശതമാനം വരെയും ഗുരുതരമായ പരിക്കുകൾ 45 ശതമാനം വരെയും കുറയ്ക്കാൻ കഴിയും എന്നാണ് ലോകാരോഗ്യ സംഘടനയുടെ റിപ്പോർട്ടുകൾ സൂചിപ്പിക്കുന്നത് .ഇത് മാത്രമല്ല പിൻ സീറ്റിൽ ഇരിക്കുന്ന യാത്രക്കാരുടെ പരിക്ക് 25 ശതമാനം വരെ കുറയ്ക്കാൻ കഴിയുമെന്നും ആണ് വിദഗ്ദ്ധരുടെ അഭിപ്രായം .
tv actress car accident death case moving in a different side