മീടു പോലുള്ള കാമ്പയിനുകള്‍ക്ക് ചെറിയ അപകടം കൂടിയുണ്ട്; ടോവിനോ തോമസ്
യുവതാരങ്ങളിൽ മുൻ നിരയിലുള്ള നടനാണ് ടോവിനോ തോമസ്. മലയാളി പ്രേക്ഷകർക്ക് ഏറെ പ്രിയപ്പെട്ട നടനായ ടോവിനോ സാമൂഹ്യപ്രവർത്തനങ്ങളിലും സജീവമാണ്. ഈയടുത്തായി മീ ടൂ മൂവ്മെന്റിനെക്കുറിച്ച് താരം പറഞ്ഞ ഒരു കാര്യം വളരെ ശ്രദ്ധേയമാണ്.
“സിനിമയിലെന്നല്ല ഏത് മേഖലയില്‍ ജോലി ചെയ്യുന്നവരായാലും സ്ത്രീകള്‍ക്ക് സുരക്ഷിതമായ ജോലിസ്ഥലം ഒരുക്കേണ്ടതായിട്ടുണ്ട്. പക്ഷേ മീടു പോലുള്ള സമൂഹമാധ്യമങ്ങള്‍ വഴിയുള്ള കാമ്പയിനുകള്‍ക്ക് ചെറിയ അപകടം കൂടിയുണ്ട്. അതിന് തെളിവാവശ്യമില്ല. പക്ഷേ ചില കേസുകള്‍ കോടതിയിലെത്തുമ്പോള്‍ ശരിക്കും കുറ്റക്കാരനല്ല എന്നു തെളിഞ്ഞാല്‍ അയാള്‍ക്കുണ്ടായ നഷ്ടം മാറ്റാന്‍ കഴിയില്ല”.ടോവിനോ പറഞ്ഞു.
നല്ല കാര്യം ചെയ്താല്‍ പോലും അത് പ്രമോഷന്‍ ആണെന്ന് പറയുന്നത് പലപ്പോഴും വിഷമുമുണ്ടാക്കിയിട്ടുണ്ടെന്നും അദ്ദേഹം പറഞ്ഞു. സിനിമയിലഭിനയിക്കുന്നത് കൊണ്ട് മനുഷ്യത്വവും സഹജീവികളോടുള്ള സ്‌നേഹവും ഇല്ലാതാകുന്നില്ല. സിനിമാ നടനും മാധ്യമപ്രവര്‍ത്തകനുമൊക്കെയാകുന്നതിന് മുന്‍പ് നമ്മളെല്ലാവരും ഒരു സാധാരണ വ്യക്തിയാണെന്നും അദ്ദേഹം കൂട്ടിച്ചേർത്തു. ഒരു മാധ്യമത്തിന് നൽകിയ അഭിമുഖത്തിലാണ് ടോവിനോ ഇങ്ങനെ സംസാരിച്ചത്.
tovino thomas talk about me too campaign