മലയാള സിനിമയിലെ തന്റേതായ ഒരിടം കണ്ടെത്തിയ നടിയാണ് മാലാ പാർവതി. ഏത് കഥാപാത്രവും നടിയുടെ കയ്യിൽ ഭദ്രമായിരിക്കും. ഇപ്പോഴിതാ ശരീരഭാരം 80 കിലോയിൽ നിന്ന് 68ലേക്ക് കുറച്ചിരിക്കുകയാണ് നടി. മാർച്ച് 12 നു തുടങ്ങിയ വർക്ഔട്ടിലൂടെ ജൂൺ 3 എത്തിയപ്പോഴേക്കും 12 കിലോയാണ് താരം കുറച്ചിരിക്കുന്നത്.
‘പ്രായം 50 കഴിഞ്ഞാൽ ജിമ്മിലുള്ള വർക്ഔട്ട് ബുദ്ധിമുട്ടാണ്. പക്ഷേ ആ സ്ഥലവും പരിശീലകരും അസാധ്യമെന്നു തോന്നുന്ന കാര്യങ്ങൾ ചെയ്യാൻ പ്രേരിപ്പിക്കും’– ട്രാൻസ്ഫർമേഷൻ ചിത്രങ്ങൾ പങ്കുവച്ചുകൊണ്ട് സമൂഹമാധ്യമത്തിൽ താരം കുറിച്ചു. ശരീരഭാരം കുറയ്ക്കാൻ തനിക്ക് പ്രചോദനമായവർക്കും പരിശീലകർക്കും ദന്ദിയും താരം കുറിച്ചിട്ടുണ്ട്.
നടി റീനു മാത്യുസും റീബ ജോണും അഭിനന്ദനങ്ങളും അറിയിച്ചിട്ടുണ്ട്.