ചുംബന രംഗം മാത്രമേയുള്ളു എന്ന് പറഞ്ഞ് ബാങ്കോക്കില് എത്തിച്ചു; പിന്നെ ചെയ്തത് ഇങ്ങനെ..!! നിക്കി ഗല്റാണിയുയെ സഹോദരിയുടെ മീ ടൂ വെളിപ്പെടുത്തൽ…
മീ ടു ക്യാമ്പയിന് ഇപ്പോൾ സിനിമാ ലോകത്ത് വലിയ ചര്ച്ചയാണ്. ലൈംഗികമായ ചൂഷണങ്ങള് നേരിട്ടതിനെക്കുറിച്ചു നിരവധി നടിമാരാണ് വെളിപ്പെടുത്തലുമായി മുന്നോട്ട് വരുന്നത്. ഇപ്പോഴിതാ സിനിമയില് താരമാകാന് ആഗ്രഹിച്ചു വന്ന സമയത്ത് താൻ നേരിട്ട ചൂഷണങ്ങളെക്കുറിച്ച് തുറന്നു പറയുകയാണ് യുവ നടി സഞ്ജന ഗില്റാണി.
തന്റെ പതിനഞ്ചാം വയസ്സില് നേരിട്ട പീഡനത്തെക്കുറിച്ചാണ് സഞ്ജന പറയുന്നത്. നടി നിക്കി ഗല്റാണിയുടെ സഹോദരിയാണ് സഞ്ജന. കന്നഡ സംവിധായകന് രവി ശ്രീവാസ്തവയ്ക്കെതിരേയാണ് സഞ്ജനയുടെ വെളിപ്പെടുത്തല്.
2006-ല് ബോളിവുഡ് ചിത്രം മര്ഡറിന്റെ റീമേക്കായ ഗെണ്ഡ ഹെണ്ഡത്തിയില് അഭിനയിക്കുമ്പോഴാണ് രവിയില് നിന്ന് തനിക്ക് മോശം അനുഭവം ഉണ്ടായതെന്ന് സഞ്ജന പറയുന്നു.
“സിനിമയിലേക്കുള്ള നല്ല തുടക്കം മിസ്സാക്കിക്കളയാന് താത്പര്യമില്ലാതിരുന്നത് കൊണ്ട് ഞാന് അതില് ഒരു ചുംബനരംഗത്തില് അഭിനയിക്കാന് സമ്മതം അറിയിച്ചു. ബാങ്കോക്കിലായിരുന്നു ഷൂട്ടിങ്. അമ്മയെ കൂടെ കൊണ്ടുപോരാന് അവര് സമ്മതിച്ചു. പക്ഷേ, അവിടെ എത്തിയപ്പോള് അമ്മയെ സെറ്റില് കൊണ്ടുപോകാനാവില്ല എന്ന് പറഞ്ഞു.”
“അതിന് ശേഷം ഓരോ ദിവസവും അവര് ചുംബന രംഗങ്ങളുടെ എണ്ണം കൂട്ടാന് തുടങ്ങി. ക്യാമറ എന്റെ നെഞ്ചത്തും കാലുകളിലേക്കും വള്ഗറായ രീതിയില് ഫോക്കസ് ചെയ്ത് ചിത്രീകരിച്ചു. ഞാന് എതിര്ത്തപ്പോള് അവര് എന്റെ കരിയര് തകര്ക്കുമെന്നും പറയുന്നതെല്ലാം അനുസരിക്കണമെന്നും ഭീഷണിപ്പെടുത്തി.” – സഞ്ജന വെളിപ്പെടുത്തി.
Sanjana Gilrani in Me Too