രാഹുൽ ഗാന്ധിയുടെ കണ്ണിറുക്കലിനെ കുറിച്ച് പ്രിയവാര്യർക്ക് പറയാനുള്ളത്…
തന്റെ കണ്ണിറുക്കൽ രാഹുൽ ഗാന്ധിയും ഏറ്റെടുത്തതിൽ സന്തോഷമുണ്ടെന്ന് പ്രിയ വാര്യർ. ഇന്നലെ ലോക്‌സഭയിൽ ബി.ജെ.പി സർക്കാരിനെതിരെയുള്ള അവിശ്വാസ പ്രമേയത്തെ പിന്തുണച്ച് രാഹുൽ ഗാന്ധി നടത്തിയ പ്രസംഗവും, മോദിയെ ആശ്ലേഷിച്ചതും, തുടർന്ന് രാഹുൽ ഗാന്ധി നടത്തിയ കണ്ണിറുക്കലുമൊക്കെ സോഷ്യൽ മീഡിയയിൽ വൈറൽ ആയി മാറിയിരുന്നു.
“കോളേജില്‍ പോയി തിരിച്ചുവരുന്ന സമയത്താണ് ഈ വാര്‍ത്ത ഞാന്‍ കേട്ടത്. പാര്‍ലമെന്റില്‍ രാഹുല്‍ ഗാന്ധി പ്രധാനമന്ത്രി മോഡിയെ കണ്ണിറുക്കി കാണിച്ചുഎന്നായിരുന്നു ആ വാർത്ത. സിനിമയില്‍ കണ്ണിറുക്കലിലൂടെ ശ്രദ്ധ നേടാന്‍ സാധിച്ച തനിക്ക് ഏറെ സന്തോഷമുള്ള കാര്യം തന്നെയാണിത്. കണ്ണിറുക്കല്‍ നല്ലൊരു വികാരപ്രകടനമാണ്. താന്‍ ഈ സംഭവത്തില്‍ ഏറെ സന്തോഷവതിയാണ്.” – ANI ന്യൂസ് ഏജന്‍സിക്ക് നല്‍കിയ പ്രതികരണത്തില്‍ പ്രിയ വാര്യർ പറഞ്ഞു.
ഒമർ ലുലു സംവിധാനം ചെയ്യുന്ന ‘ഒരു അഡാർ ലവ്’ എന്ന ചിത്രത്തിലെ ഗാനരംഗത്തിൽ ഒരു കണ്ണിറുക്കലിലൂടെ ലോകമെമ്പാടും ആരാധകരെ സൃഷ്‌ടിച്ച താരമാണ് പ്രിയ വാര്യർ.
ആ ഒരൊറ്റ ഗാനത്തിലൂടെ ഇൻസ്റാഗ്രാമിലും ഫേസ്ബുക്കിലും കോടികണക്കിന് ആരാധകരെ നേടിയ പ്രിയ ഇപ്പോൾ പരസ്യങ്ങൾക്കായി വാങ്ങുന്നത് ലക്ഷകണക്കിന് രൂപയാണ്.
Priya varriar about Rahul gandhi’s wynk at parliament