മലയാളികളുടെ പ്രിയപ്പെട്ട നായിക ഇനി രജനികാന്തിനൊപ്പം അഭിനയിക്കും. എ ആര്‍ മുരുഗദോസും രജനികാന്തും ഒന്നിക്കുന്ന പുതിയ ചിത്രത്തിലാണ് താരം എത്തുന്നത്. ഇരട്ട വേഷത്തില്‍ എത്തുന്ന രജനികാന്തിന്റെ ഒരു കഥാപാത്രത്തിന്റെ മകളായിട്ടാണ് നിവേദ എത്തുന്നത്. ചിത്രത്തിന്റെ ഷൂട്ടിങ് ഏപ്രില്‍ രണ്ടാം വാരത്തോടെ ആരംഭിക്കും.
രജനികാന്തിന്റെ ഒരു കഥാപാത്രം പൊലീസ് ഉദ്യോഗസ്ഥനും രണ്ടാമത്തേത് സാമൂഹ്യപ്രവര്‍ത്തകനുമാണെന്നാണ് സൂചന. നയന്‍താരയാണ് ചിത്രത്തിലെ നായികയായെത്തുന്നത്. ചിത്രത്തിന് സംഗീതം ഒരുക്കുന്നത് അനിരുദ്ധ രവിചന്ദര്‍ ആണ്. ഛായാഗ്രഹണം സന്തോഷ് ശിവനുമാണ് നിര്‍വ്വഹിക്കുന്നത്. തലൈവര്‍ 167 എന്നാണ് താല്‍ക്കാലികമായി ചിത്രത്തിന് പേരിട്ടിരിക്കുന്നത്.
കമല്‍ഹാസന്റെ മകളായി ദൃശ്യത്തിന്റെ തമിഴ് റീമേക്കായ പാപനാശം എന്ന ചിത്രത്തിലും നിവേദ അഭിനയിച്ചിരുന്നു. മലയാളത്തില്‍ വെറുതെ അല്ല ഭാര്യ എന്ന ചിത്രത്തിലൂടെയാണ് താരം ശ്രദ്ധേയയായിരുന്നത്. ചിത്രത്തിന്റെ അണിയറപ്രവര്‍ത്തകരും സംവിധായകന്‍ മുരുഗദോസും നിവേദയുമായി കൂടിക്കാഴ്ച നടത്തിയതായി തമിഴ് മാധ്യമങ്ങള്‍ റിപ്പോര്‍ട്ട് ചെയ്തിട്ടുണ്ട്.
niveda thomasa new tamil filim