ജാടയെന്നൊക്കെ ആളുകൾ പറഞ്ഞാലും അങ്ങനെയല്ല താനെന്നു പലപ്പോളായി തെളിയിച്ചിട്ടുള്ള നടനാണ് മമ്മൂട്ടി . സൂപ്പർ താര പദവി ഉണ്ടെങ്കിലും മമ്മൂട്ടി എപ്പോളും ആരാധകരോടും പ്രിയപ്പെട്ടവരോടുമെല്ലാം വളരെ അതികം അടുപ്പമുള്ളയാളാണ്.
ഇപ്പോൾ തന്റെ പ്രിയപ്പെട്ട ഫോട്ടോഗ്രാഫർ ശ്രീനാഥിന്റെ വീട്ടിൽ അതിഥിയായി മമ്മൂട്ടി. ശ്രീനാഥിന്റെ വിവാഹത്തിൽ പങ്കെടുക്കാൻ സാധിക്കാതിരുന്ന താരം അന്ന് വൈകിട്ട് വരന്റെ വസതിയിൽ എത്തുകയായിരുന്നു. ശ്രീനാഥിനും കുടുംബത്തിനുമൊപ്പം ഏറെ നേരം ചിലവഴിച്ച ശേഷമാണ് അദ്ദേഹം യാത്രയായത്.
സഹപ്രവർത്തകരുടെ മംഗളകർമങ്ങളിൽ വലിപ്പചെറുപ്പമില്ലാതെ പങ്കെടുക്കാന്‍ മനസ്സുകാണിക്കുന്ന മമ്മൂട്ടിയെ അഭിനന്ദിച്ച് നിരവധി ആളുകൾ രംഗത്തെത്തി. ഗ്രേറ്റ് ഫാദർ, പതിനെട്ടാം പടി, മാമാങ്കം എന്നീ സിനിമകളിൽ മമ്മൂട്ടിയുടെ സ്റ്റൈലിഷ് ചിത്രങ്ങൾ ക്യാമറയില്‍ പകർത്തിയത് ശ്രീനാഥ് ആയിരുന്നു.
mammootty attending photographer’s wedding