ഒടിയൻ റെക്കോർഡുകൾ തകർത്തതിൽ അത്ഭുതമില്ല !! മമ്മൂട്ടി പറയുന്നു…
ബോക്സോഫീസ് റെക്കോർഡുകൾ എല്ലാം തകർത്ത് മുന്നേറുകയാണ് മോഹൻലാൽ നായകനായെത്തിയ ഒടിയൻ. 100 കോടി പ്രീ റിലീസ് ബിസിനസ് സ്വന്തമാക്കിയ ചിത്രം 50 കോടി ബോക്സോഫീസ് കളക്ഷനും കടന്നു 100 കോടിയിലേക്ക് കുതിച്ചു കൊണ്ടിരിക്കുകയാണ്. ഇപ്പോഴിതാ നടൻ മമ്മൂട്ടിയും ഒടിയന്റെ ബോക്സോഫീസ് അപ്രമാദിത്വത്തെ പ്രകീർത്തിച്ചു മുന്നോട്ട് വന്നിരിക്കുകയാണ്.
ഒടിയൻ കളക്ഷൻ റെക്കോർഡുകൾ ഭേദിച്ചതിൽ അത്ഭുതമൊന്നുമില്ല എന്നായിരുന്നു മമ്മൂട്ടി പറഞ്ഞത്. മോഹൻലാൽ വളരെ മികച്ചതായി ആ വേഷം ചെയ്തിട്ടുണ്ട്. മോഹൻലാലിൻറെ ഏറെ നാളത്തെ കഷ്ട്ടപ്പാടിന്റെ ഫലം കൂടിയാണ് ആ സിനിമ. അതിനാൽ തന്നെ എല്ലാ റെക്കോർഡുകളും തകർക്കപ്പെട്ടതിൽ അത്ഭുതമില്ലെന്നും മമ്മൂട്ടി പറഞ്ഞു.
വി.എ ശ്രീകുമാർ മേനോൻ സംവിധാനം നിർവ്വഹിച്ച ചിത്രം മികച്ച അഭിപ്രായം നേടി ഇപ്പോഴും ബോക്സ്ഓഫീസിൽ തകർത്തോടി കൊണ്ടിരിക്കുകയാണ്. ക്രിസ്മസ് റിലീസുകൾക്കുപോലും ഒടിയന്റെ ബോക്സോഫീസ് മുന്നേറ്റത്തിന് തടയിടാൻ സാധിച്ചിരുന്നില്ല.യുവനടന്മാരുടെ ഒരുപാട് ചിത്രങ്ങൾ ക്രിസ്മസ് റിലീസായി എത്തിയിട്ടുണ്ട്. അതിൽ കെജിഎഫ് അടക്കമുള്ള അന്യഭാഷാ ചിത്രങ്ങളും ഫഹദ് ഫാസിലിന്റെ ഞാൻ പ്രകാശൻ, ടോവിനോയുടെ എന്റെ ഉമ്മാന്റെ പേര് എന്നിവയും മികച്ച അഭിപ്രായം നേടുന്നുമുണ്ട്. എന്നാലും കുടുംബപ്രേക്ഷകരുടെ ഇഷ്ട ചിത്രം ഒടിയൻ തന്നെയാണ്.
Mammootty about Odiyan box office records