മലയാളത്തിലെ സൂപ്പര് ഹിറ്റ് ചിത്രമായ ദി ഗ്രേറ്റ് ഇന്ത്യന് കിച്ചന്റെ ഹിന്ദി റീമേക്ക് ഹര്മന് ബവേജ നിര്മ്മിക്കും എന്ന് റിപ്പോര്ട്ടുകള്. ആരതി സംവിധാനം ചെയ്യുന്ന ഹിന്ദി റീമേക്കില് സാന്യ മല്ഹോത്രയാണ് നായിക.
സാന്യ മല്ഹോത്രയ്ക്കും ഹര്മന് ബവേജയ്ക്കുമൊപ്പമുള്ള ചിത്രം പങ്കുവെച്ചുകൊണ്ട് സംവിധായിക ആരതിയാണ് ഇക്കാര്യം അറിയിച്ചത്.
ജിയോ ബേബി രചനയും സംവിധാനവും നിര്വഹിച്ച മലയാളം ചിത്രം ദി ഗ്രേറ്റ് ഇന്ത്യന് കിച്ചന് 2021-ല് ആണ് പുറത്തിറങ്ങിയത്. നിമിഷ സജയനും സുരാജ് വെഞ്ഞാറമൂടും ആണ് ചിത്രത്തില് ദമ്പതിമാരായി അഭിനയിച്ചത്. ഈ ചിത്രം ഏറെ വിവാദങ്ങള്ക്കും വിമര്ശനങ്ങള്ക്കും വഴിതെളിച്ചിരുന്നു.
ഈ ചിത്രം പുരുഷാധിപത്യ കുടുംബവുമായുള്ള ഭാര്യയുടെ പോരാട്ടത്തെകുറിച്ചാണ് പറയുന്നത്. ചിത്രം തമിഴിലേക്കും റീമേക് ചെയ്യുന്നുണ്ട്. ഐശ്വര്യ രാജേഷ് ആണ് തമിഴിലെ നായിക.