‘ബിഗ് ലിറ്റില് മര്ഡര്’ ഡോക്യുമെന്ററിയുടെ സംപ്രേക്ഷണം നിര്ത്തിവെയ്ക്കാന് ഡല്ഹി ഹൈക്കോടതിയുടെ ഉത്തരവ്. നെറ്റ്ഫ്ലിക്സിലൂടെയാണ് ഇത് സംപ്രേക്ഷണം ചെയ്യുന്നത്. ഡല്ഹിയിലെ ഗുരുഗ്രാമില് പ്രവര്ത്തിക്കുന്ന റയാന് ഇന്റര്നാഷണല് സ്കൂള് നല്കിയ പരാതിയിന്മേലാണ് കോടതിയുടെ നടപടി.
2017ല് റയാന് ഇന്റര്നാഷണല് സ്കൂള് വിദ്യാര്ത്ഥിയായ ഏഴ് വയസുകാരന് മരിച്ച സംഭവത്തെ ആസ്പദമാക്കിയാണ് ഡോക്യുമെന്ററി. സ്കൂളിന്റെ ശുചിമുറിയിലാണ് വിദ്യാര്ത്ഥിയെ മരിച്ച നിലയില് കണ്ടെത്തിയത്.
ഡോക്യുമെന്ററിയില് സ്കൂള് കെട്ടിടങ്ങളുടെ ചിത്രവും സ്കൂളിനെ കുറിച്ചുള്ള പരാമര്ശങ്ങളുണ്ട്. ഇതിനെതിരെ സ്കൂള് അധികൃതര് കോടതിയെ സമീപിക്കുകയായിരുന്നു.
ഇതിനെത്തുടര്ന്നാണ് കോടതിയുടെ ഉത്തരവ്. സ്കൂളുമായി ബന്ധപ്പെട്ട എല്ലാ രംഗങ്ങളും പരാമര്ശങ്ങളും നീക്കിയ ശേഷം മാത്രമേ ബിഗ് ലിറ്റില് മര്ഡര് സംപ്രേക്ഷണം ചെയ്യുവാന് സാധിക്കുകയുള്ളൂ എന്ന് ജസ്റ്റിസ് ജയന്ത് നാഥ് അധ്യക്ഷനായ ബെഞ്ച് ഉത്തരവിട്ടു.