കൈരളി ചാനലിന് വേണ്ടി പിണറായി വിജയന്റെ അഭിമുഖം ചെയ്ത അനുഭവത്തെ കുറിച്ച് പറഞ്ഞ് ശ്രീനിവാസന്. കഴിഞ്ഞ ദിവസം നടത്തിയ വാര്ത്താസമ്മേളനത്തിലായിരുന്നു ശ്രീനിവാസന് അഭിമുഖത്തെ കുറിച്ചും പിണറായി വിജയനെ കുറിച്ചും സംസാരിച്ചത്.
‘അന്ന് സി.പി.ഐ.എമ്മിന്റെ സംസ്ഥാന സെക്രട്ടറിയായിരുന്നു പിണറായി വിജയന്. അദ്ദേഹത്തിന്റെ ചിരിക്കുന്ന മുഖം ജനങ്ങളെ കാണിക്കണമെന്ന ആഗ്രഹവുമായാണ് കൈരളിക്കാര് അഭിമുഖം നടത്താനായി എന്നെ സമീപിക്കുന്നത്.
പിണറായിയെ ചിരിപ്പിക്കണം, അതാണ് എന്റെ ദൗത്യം. ആദ്യം അവര് തീരുമാനിച്ചിരുന്നത് കൈരളി ചാനല് ചെയര്മാനായ മമ്മൂട്ടിയെയാണ്. എന്നാല് രണ്ട് പേരും ഭയങ്കരമായി ബലം പിടിക്കുമെന്നും ചിരി വരില്ലെന്നും മനസ്സിലായി.
കാഴ്ചക്കാര് അതുകണ്ട് ചിരിച്ചേക്കുമെന്നും ചാനലുകാര്ക്ക് തോന്നി. അതുകൊണ്ടാണ് എന്നെ ഏര്പ്പാട് ചെയ്യുന്നത്,’എന്നും ശ്രീനിവാസന് പറഞ്ഞു.