മലയാളികളുടെ എക്കാലത്തെയും പ്രിയപ്പെട്ട നടിമാരില് ഒരാളാണ് ശോഭന. തെന്നിന്ത്യൻ ഭാഷകളിലെ ശ്രദ്ധേയ സാന്നിധ്യമായി 2014 വരെ നിറഞ്ഞു നിന്നശോഭന പിന്നീട് അഭിനയം വിട്ട് നൃത്തത്തിന്റെ ലോകത്ത് നിറയുകയായിരുന്നു. ദുൽഖർ സൽമാൻ നായകനായി 2020ൽ പുറത്തിറങ്ങിയ വരനെ ആവശ്യമുണ്ട് എന്ന സിനിമയിലൂടെയായിരുന്നു നടി ക്യാമറയ്ക്ക് മുന്നിലേക്ക് വീണ്ടും തിരിച്ചെത്തിയത്.അനൂപ് സത്യന് സംവിധാനം ചെയ്ത ചിത്രത്തിലൂടെ ശ്രദ്ധേയ തിരിച്ചുവരവാണ് ശോഭന നടത്തിയത്. ഇപ്പോള് ശോഭനയെ കുറിച്ചുള്ള ഒരു അറിയാക്കഥ പങ്കുവെച്ചിരിക്കുകയാണ് തിരക്കഥാകൃത്തായ ജോണ്പോള്.
ജോണ് പോളിന്റെ വാക്കുകള് ഇങ്ങനെ…
അന്ന് ഞാനും ബാലുമഹേന്ദ്രയും കഥ ചര്ച്ച ചെയ്യുമ്പോള് ഹിന്ദി ചിത്രം ‘മധുമതി’യിലെ വൈജയന്തിമാലയുടെ കഥാപാത്രം ഞങ്ങളെ സ്വാധീനിച്ചിരുന്നു. കാടിന്റെ ഓരത്തുള്ള നാട്ടിന് പുറത്തുകാരിപ്പെണ്ണ് എന്ന ആശയം അങ്ങനെ വന്നതാണ്. വിരിഞ്ഞ ശരീരപ്രകൃതമുള്ള നായിക വേണം. അധികം കണ്ടു പരിചയമുള്ള നടിയാകരുത്. ഇങ്ങനെ വിചാരിച്ചിരുന്നു. അങ്ങനെയാണ് ശോഭനയിലേക്ക് വന്നത്. ആദ്യം വൈജയന്തി മാലയുടെ വേഷം പോലെ ബ്ലൗസില്ലാതെ ചുമലുകള് കാണുന്ന രീതിയില് ചേലയുടുക്കുന്ന തരം കോസ്റ്റ്യൂമില് വേണം തുളസി എന്ന് ബാലു വിചാരിച്ചിരുന്നു. അവള് കാടിന്റെ പരിസരത്തെ പെണ്കുട്ടിയാണല്ലോ.
‘മധുമതി’യിലെ വൈജയന്തിമാലയുടെ പ്രചോദനം മനസ്സില് കിടപ്പുമുണ്ട്. പക്ഷേ അത്തരം കോസ്റ്റ്യൂമിടാന് ശോഭന തീര്ത്തും വിസമ്മതിച്ചു. പക്ഷേ പില്ക്കാലത്ത് ശോഭന അത്തരം കോസ്റ്റ്യൂം ധരിച്ച് മറ്റു സിനിമകളില് അഭിനയിച്ചിട്ടുണ്ട്. ഇതേക്കുറിച്ച് പിന്നീട് കണ്ട സമയത്ത് ഞാന് ശോഭനയോട് ചോദിച്ചിരുന്നു. അപ്പോള് ശോഭനയുടെ മറുപടി ഇതായിരുന്നു. ‘ഞാന് വിചാരിച്ചത് ആ കോസ്റ്റ്യൂം തീരെ മോശമായിരിക്കുമെന്നാണ്. മാത്രമല്ല ആ പ്രായത്തില് എനിക്ക് സിനിമയെക്കുറിച്ച് വലിയ വിവരവുമില്ലായിരുന്നുവെന്ന് ശോഭന പറയുകയായിരുന്നു