ഒരുകാലത്ത് തെന്നിന്ത്യന്‍ സിനിമാ ലോകത്ത് തിളങ്ങി നിന്ന താരമാണ് സിന്ധു മേനോന്‍. തമിഴിലും തെലുങ്കിലും കന്നഡയിലും മലയാളത്തിലുമായി നിരവധി ഭാഷകളില്‍ അഭിനയിച്ച താരം വിവാഹശേഷം സിനിമയില്‍ നിന്നും ഇടവേളയെടുത്തിരിക്കുകയാണ്.
സോഷ്യല്‍ മീഡിയയില്‍ സജീവമായ താരം ഇടയ്ക്കിടെ തന്റെ ചിത്രങ്ങളും കുടുംബത്തോടൊപ്പമുള്ള ചിത്രങ്ങളും എല്ലാം തന്നെ പങ്കുവെയ്ക്കാറുണ്ട്. ഇപ്പോഴിതാ താരം വീണ്ടും പങ്കുവെച്ചിരിക്കുന്ന ചിത്രങ്ങളാണ് ഇപ്പോള്‍ വൈറലായിരിക്കുന്നത്. സിന്ധു ആളാകെമാറിപ്പോയെന്നാണ് ആരാധകര്‍ ഒന്നടങ്കം പറയുന്നത്. ഡൊമനിക് പ്രഭുവാണ് ഭര്‍ത്താവ്, രണ്ട് മക്കളാണ് ഇവര്‍ക്കുള്ളത്.
മലയാളത്തില്‍ മഞ്ചാടിക്കുരു എന്ന സിനിമയും തെലുങ്കില്‍ സുഭദ്ര എന്ന സിനിമയുമാണ് സിന്ധു മേനോന്‍ ഒടുവിലായി അഭിനയിച്ചത്. സിനിമ വിട്ട ശേഷം സോഷ്യല്‍മീഡിയയില്‍ പോലും സിന്ധു സജീവമായിരുന്നില്ല.
ഉത്തമന്‍ എന്ന സിനിമയിലാണ് സിന്ധു ആദ്യമായി മലയാളത്തില്‍ അഭിനയിച്ചത്. മിസ്റ്റര്‍ ബ്രഹ്മചാരി, വേഷം, തൊമ്മനും മക്കളും, രാജമാണിക്യം, പുലിജന്മം, പതാക, വാസ്തവം, ഡിറ്റക്ടീവ്, സ്‌കെച്ച്, ആയുര്‍രേഖ, പകല്‍ നക്ഷത്രങ്ങള്‍, ആണ്ടവന്‍, താവളം, ട്വന്റി 20, ഭാര്യ ഒന്ന് മക്കള്‍ മൂന്ന്, രഹസ്യപോലീസ്, മഞ്ചാടിക്കുരു എന്നു തുടങ്ങി നിരവധി മലയാളം സിനിമകളിലും അഭിനയിച്ചിരുന്നു.