70 കാരനായ ചുള്ളനായാണ് മമ്മൂട്ടിയെ ആരാധകരും താരങ്ങളുമെല്ലാം വിശേഷിപ്പിക്കാറുള്ളത്. മുടി നീട്ടി വളര്‍ത്തിയുള്ള മമ്മൂട്ടിയുടെ ചിത്രങ്ങളാണ് ഇപ്പോള്‍ തരംഗമായിക്കൊണ്ടിരിക്കുന്നത്. മമ്മൂട്ടി എങ്ങനെയാണ് ഈ രൂപത്തിലേക്ക് മാറിയത്, പുതിയ സിനിമയ്ക്ക് വേണ്ടിയാണോ ഈ ലുക്കെന്നുള്ള ചോദ്യങ്ങളും ആരാധകര്‍ക്കുണ്ട്. സുല്‍ഫത്തിനൊപ്പം വിവാഹ ചടങ്ങിലേക്ക് മമ്മൂട്ടി എത്തിയതിന്റെ ചിത്രങ്ങളാണ് പുറത്തുവന്നിട്ടുള്ളത്. ഇക്കയുടെ പുതിയ ലുക്കിനെക്കുറിച്ച് വാചാലനായി രമേഷ് പിഷാരടിയും എത്തിയിരുന്നു. മമ്മൂട്ടിയുടെ പുതിയ ലുക്ക് ദുല്‍ഖറിന് വെല്ലുവിളിയാവുമെന്നുള്ള കണ്ടെത്തലുകളുമായെത്തിയിരിക്കുകയാണ് ട്രോളര്‍മാര്‍.
തെന്നിന്ത്യന്‍ ഭാഷകളിലെല്ലാമായി തന്റെ പേര് രേഖപ്പെടുത്തിയ താരമാണ് മമ്മൂട്ടി. മെഗാസ്റ്റാറായാണ് അദ്ദേഹത്തെ വിശേഷിപ്പിക്കുന്നത്. വൈവിധ്യമാര്‍ന്ന കഥാപാത്രങ്ങളെയാണ് അദ്ദേഹം അവതരിപ്പിക്കാറുള്ളത്. പുതുമയുള്ള കഥാപാത്രങ്ങള്‍ക്കായാണ് കാത്തിരിക്കുന്നതെന്ന് താരം പറഞ്ഞിരുന്നു. സിനിമാമേഖലയിലുള്ളവര്‍ക്ക് അദ്ദേഹത്തിന്റെ താല്‍പര്യം അറിയാവുന്നതാണ്. തുടക്കക്കാരോടൊപ്പവും പ്രവര്‍ത്തിക്കാറുണ്ട് താരം. കഥാപാത്രത്തിന്റെ പൂര്‍ണ്ണതയ്ക്കായി അങ്ങേയറ്റത്തെ തയ്യാറെടുപ്പുകളാണ് മമ്മൂട്ടി നടത്താറുള്ളത്.
പ്രഖ്യാപനം മുതലേ തന്നെ മമ്മൂട്ടിയുടെ സിനിമകള്‍ വാര്‍ത്തകളില്‍ നിറഞ്ഞുനില്‍ക്കാറുണ്ട്. ജോഫിന്‍ ടി ചാക്കോ സംവിധാനം ചെയ്യുന്ന ദ പ്രീസ്റ്റാണ് അടുത്തതായി റിലീസ് ചെയ്യുന്നത്. മഞ്ജു വാര്യരും മമ്മൂട്ടിയും ആദ്യമായി ഒരുമിച്ച ചിത്രം കൂടിയാണിത്. കാത്തിരിപ്പിനൊടുവിലായി സിനിമ റിലീസ് ചെയ്യാനുള്ള തയ്യാറെടുപ്പുകളിലാണെന്നുള്ള വിവരങ്ങള്‍ അടുത്തിടെ പുറത്തുവന്നിരുന്നു. ദ പ്രീസ്റ്റ് ലൊക്കേഷന്‍ ചിത്രങ്ങളും ക്യാരക്ടര്‍ പോസ്റ്ററുമെല്ലാം വൈറലായി മാറിയിരുന്നു.
malayalam