ആരാധകരുടെ കാത്തിരിപ്പ് അവസാനിപ്പിച്ച് തന്റെ കണ്‍മണിയുടെ ആദ്യ ചിത്രം അടുത്തിടെയാണ് മേഘ്ന രാജ് പങ്ക് വച്ചത്. ഇപ്പോൾ സോഷ്യൽ മീഡിയ വഴി മകന്റെ ഒപ്പമുള്ള ചിത്രത്തിന് മനോഹരമായ ഒരു കുറിപ്പും മേഘ്ന പങ്കിട്ടിരിക്കുന്നു. അതാണ് ആരാധകർ ഏറ്റെടുത്തത്. ‘എല്ലാ ദിവസവും ഞായറാഴ്ച പോലെയും എല്ലാ രാത്രി ശനിയാഴ്ച പോലെയും തോന്നുകയാണ് മാതൃത്വത്തിന്റെ ചെറിയ സന്തോഷങ്ങൾ അതിനൊപ്പം ഞങ്ങൾ ചില രഹസ്യങ്ങളും പങ്കിടുന്നു’, എന്ന ക്യാപ്ഷ്യനോടെയാണ് മേഘ്ന ചിത്രം പങ്ക് വച്ചത്.
പ്രണയദിനത്തിൽ ആരാധകർക്കുള്ള സമ്മാനമായിട്ടാണ് മേഘ്ന കുഞ്ഞിന്റെ വീഡിയോ ആദ്യമായി പങ്ക് വച്ചത്; എല്ലാവരും നൽകിയ സ്നേഹത്തിനും പിന്തുണയ്ക്കും നന്ദി അറിയിച്ചു കൊണ്ടുള്ള മനോഹരമായ ഒരു കുറിപ്പും കുഞ്ഞിന്റെ പേരിൽ വീഡിയോയ്ക്കൊപ്പം മേഘ്ന പങ്ക് വച്ചിരുന്നു. അച്ഛൻ ചിരഞ്ജീവി സർജയുടെയും മേഘ്നയുടെയും പേരിനോട് സാദൃശ്യമുള്ള പേരാണ് മേഘ്ന മകന് നൽകിയത്. ചിന്തു എന്നാണ് കുഞ്ഞിന് നൽകിയ പേര് . 2020 ജൂൺ ഏഴിനാണ് ചിരഞ്ജീവി സർജ ഹൃദയാഘാതത്തെ തുടർന്ന് മരിക്കുന്നത്. അധികം വൈകാതെയാണ് ചിന്തുവിന് മേഘ്ന ജന്മം നൽകിയത്
ബേബി സി എന്നാണ് മേഘ്ന മകനെ വിളിക്കുന്നത്. കുഞ്ഞിന്റെ പോളിയോ വാക്സിനേഷൻ ചിത്രങ്ങളും നേരത്തേ നടി പങ്കുവെച്ചിരുന്നു. കുഞ്ഞിന്റെ തൊട്ടിൽ ചടങ്ങിന്റെ ചിത്രങ്ങളും ഏറെ വൈറലായിരുന്നു.
actress