മലയാള സീരിയലിൽ ഒട്ടനവധി സീരിയലിൽ നായകനായി തിളങ്ങിയ നടനാണ് നിരഞ്ജന്‍ നായര്‍. മൂന്നുമണി, ചെമ്പട്ട്, രാത്രിമഴ, സ്ത്രീപദം, കാണാക്കുയില്‍, പൂക്കാലം വരവായി, രാക്കുയില്‍ തുടങ്ങിയ പരമ്പരകളിലെ കഥാപാത്രങ്ങളെല്ലാം മലയാളികൾക്ക് ഇന്നും മറക്കാൻ സാധിക്കില്ല.
കരിയറിലേയും ജീവിതത്തിലേയും വിശേഷങ്ങളെല്ലാം സോഷ്യല്‍മീഡിയയിലൂടെ നിരഞ്ജന്‍ പങ്കിടാറുണ്ട്. യൂട്യൂബ് ചാനലുമായും സജീവമാണ് അദ്ദേഹം. നിരഞ്ജന്റെ ഭാര്യ ഗോപികയും മകന്‍ കുഞ്ഞൂട്ടനുമെല്ലാം പ്രേക്ഷകര്‍ക്ക് സുപരിചിതരാണ്.
ഭാര്യാമാതാവിന്റെ വിയോഗത്തെക്കുറിച്ച് പറഞ്ഞുള്ള നിരഞ്ജന്റെ കുറിപ്പ് വൈറലായിരുന്നു. കുഞ്ഞൂട്ടനെ കൃഷ്ണ വേഷത്തില്‍ കാണാന്‍ ഏറെ ആഗ്രഹിച്ച ആളായിരുന്നു അവളുടെ അമ്മ. അതിനായി നടത്തിയ ഫോട്ടോ ഷൂട്ടിനെക്കുറിച്ച് പറയുകയാണ് നിരഞ്ജൻ. .
അഷ്ടമി രോഹിണി ഇത്തവണ ഒട്ടും സന്തോഷം ഇല്ലാതെ ആണ്‌ കടന്നു വരുന്നത്. കുഞ്ഞൂട്ടനെ ഇന്നത്തെ ദിവസം കൃഷ്ണ വേഷത്തിൽ കാണണമെന്ന് ആഗ്രഹിച്ച ഒരാൾ ആയിരുന്നു അവളുടെ അമ്മ. കോട്ടയം വച്ചു പ്ലാൻ ചെയ്ത ഫോട്ടോഷൂട്ട്. സീരിയൽ ഷെഡ്യൂൾ തുടങ്ങാൻ ആയതുകൊണ്ട് പെട്ടന്ന് തൃശൂർ വച്ചു നടത്താൻ തീരുമാനിച്ചത് ദൈവത്തിന്റെ തീരുമാനം ആകാം. കാരണം ആ വേഷത്തിൽ കുഞ്ഞൂട്ടനെ കാണണമെന്ന അമ്മയുടെ ആഗ്രഹം ദൈവം പൂർത്തീകരിച്ചതാകും.
മുളയത്തുള്ള അമ്മയുടെ വീട്ടിൽ വച്ചായിരുന്നു ഷൂട്ട്‌. ആരോഗ്യ പ്രശ്നങ്ങൾ ഉണ്ടെങ്കിലും അമ്മ ഒരുപാടു സന്തോഷവതി ആയിരുന്നു. അവനെ കൃഷ്ണ വേഷത്തിൽ കണ്ടപ്പോൾ അമ്മയുടെ സന്തോഷത്തിന് അതിരുകൾ ഇല്ലായിരുന്നു.
അമ്മയുടെ സംസ്കാരം നടന്ന ദിവസം വൈകുന്നേരം ആ ഫോട്ടോസ് കൈയിൽ കിട്ടിയപ്പോ ഭയങ്കര സങ്കടം തോന്നി. ആ ഫോട്ടോസ് കിട്ടിയോ എന്ന് ഇടയ്ക്കു ഇടയ്ക്കു ചോദിക്കുമായിരുന്നു. അമ്മ ഏതോ ലോകത്തിരുന്നു ഇതെല്ലാം കാണുമെന്നു ഞാൻ വിശ്വസിക്കുന്നു. എന്തോ ഒരു കനം മനസിനെ ബാധിച്ചിരിക്കുന്നു.
ഗോപികയെ ആദ്യമായി കണ്ടതിനെക്കുറിച്ചും വിവാഹ ശേഷമുള്ള ജീവിതത്തെക്കുറിച്ചും, മകന്റെ വരവിനെക്കുറിച്ചുമെല്ലാമുള്ള വിശേഷങ്ങള്‍ നിഞ്ജന്‍ പങ്കുവെച്ചിരുന്നു. ഗോപിക ഗര്‍ഭിണിയായതും അതിന് ശേഷമുള്ള കാര്യങ്ങളെക്കുറിച്ചുമെല്ലാം അദ്ദേഹം സംസാരിച്ചിരുന്നു.
ശരീരഭാരത്തെക്കുറിച്ച് ചോദിച്ചുള്ള കമന്റുകള്‍ക്ക് വ്യക്തമായ മറുപടിയേകിയും ഇവരെത്തിയിരുന്നു. വണ്ണം വെച്ചിരുന്ന സമയത്തും മെലിഞ്ഞതിന് ശേഷവും കേള്‍ക്കേണ്ടി വന്ന കമന്റുകളെക്കുറിച്ചും അങ്ങനെ ചോദിക്കുന്നവര്‍ മനസിലാക്കാതെ പോവുന്ന കാര്യങ്ങളെക്കുറിച്ചുമുള്ള നിരഞ്ജന്റെ തുറന്നുപറച്ചില്‍ വൈറലായിരുന്നു.
പപ്പടം കാച്ചാന്‍ അറിയാത്ത ആളാണോ പൊണ്ണത്തടിയുമായി നില്‍ക്കുന്നതെന്നായിരുന്നു ഒരാളുടെ കമന്റ്. പപ്പടം കാച്ചുന്നതിനെക്കുറിച്ചുള്ള കമന്റുകള്‍ വേറെയുമുണ്ടായിരുന്നു. അതൊക്കെ ചിരിച്ച് വിട്ടു. ഈ കമന്റ് കണ്ടപ്പോള്‍ അവളും നന്നായി മറുപടി കൊടുത്തിരുന്നു.
ഞാനും അതിന് താഴെ കമന്റ് ചെയ്തിരുന്നുവെന്ന് നിരഞ്ജന്‍ പറഞ്ഞിരുന്നു. തടി വെച്ചിരിക്കുന്ന എന്നെ കാണാന്‍ എനിക്കിഷ്ടമാണ്, ആളുകളെന്തിനാണ് അതില്‍ അസ്വസ്ഥരാകുന്നതെന്നായിരുന്നു ഗോപിക അതിനു തിരിച്ചു ചോദിച്ചത്. നിരഞ്ജൻ പറഞ്ഞ വാക്കുകൾ ഇതിനോടകം തന്നെ മലയാളികൾക്കിടയിൽ ശ്രദ്ധ നേടിക്കഴിഞ്ഞു.
about niranjan