മോർഫ് ചെയ്ത നഗ്ന ചിത്രങ്ങൾ പ്രചരിച്ചു ; ഫേസ്ബുക്ക് അക്കൗണ്ട് ഡിലീറ്റ് ആക്കി നടി
ഫേസ്ബുക്ക് വഴി നടിമാർക്കെതിരെ ധാരാളം അതിക്രമങ്ങൾ സംഭവിക്കാറുണ്ട്. അശ്ളീല കമന്റുകൾ മാത്രമല്ല മോർഫ് ചെയ്ത ചിത്രങ്ങളും ഇത്തരക്കാർ പ്രചരിപ്പിക്കാറുണ്ട് . ഇപ്പോൾ ഹിന്ദി നടി കവിത കൗശിക് ഫേസ്ബുക്ക് അക്കൗണ്ട് തന്നെ ഡിലീറ്റ് ആക്കിയിരിക്കുകയാണ്.
വെറുതെ മനുഷ്യന്റെ സമയം കളയുന്ന ‘രാക്ഷസന്‍’ ആണ് ഫെയ്‌സ്ബുക്ക് എന്ന കുറിപ്പ് പോസ്റ്റ് ചെയ്തു കൊണ്ടാണ് താന്‍ ഫെയ്‌സ്ബുക്കിനോട് വിടപറയുകയാണെന്ന് അവര്‍ പ്രഖ്യാപിച്ചത്.തന്നോട് സംസാരിക്കാന്‍ ആഗ്രഹമുള്ള സുഹൃത്തുക്കള്‍ക്ക് തന്റെ വീട്ടിലേക്ക് ഏതു നേരത്തും വരാമെന്നും അവിടെയിരുന്ന് സോഷ്യലൈസ് ചെയ്ത് സംസാരിക്കാമെന്നും കവിത പറഞ്ഞു. തന്റെ മോര്‍ഫ് ചെയ്ത നഗ്നചിത്രം ശ്രദ്ധയില്‍ പെട്ടതാണ് പെട്ടെന്നുണ്ടായ പ്രകോപനത്തിന് കാരണം. ഫെയ്‌സ്ബുക്കില്‍ കാണുന്ന വീഡിയോകളും തന്നെ അലോസരപ്പെടുത്തുന്നതായി കവിത പറയുന്നു.
ഹിന്ദി ടെലിവിഷന്‍ ചാനലുകളില്‍ വളരെ പ്രശസ്തമായ എഫ്.ഐ.ആര്‍ എന്ന സീരിയലിലെ നടിയാണ് കവിതാ കൗഷിക്ക്. ഫെയ്‌സ്ബുക്കില്‍ ഇപ്പോള്‍ കാണുന്ന വീഡിയോകള്‍ തന്റെ ആസ്വാദനക്ഷമതയ്ക്കും സമയത്തിനും വലിയ ആഘാതമാണ് ഏല്‍പ്പിക്കുന്നതെന്ന് അവര്‍ പറയുന്നു.
kavita koushik deleted facebook account