മലയാള സിനിമയിലും,തമിഴിലും സൂപ്പർ ഹിറ്റ് ഗാനങ്ങൾക്ക് കൊറിയോഗ്രാഫ് ചെയ്ത് കയ്യടി നേടിയ താരമാണ് സജ്‌ന നജം.2014 ലാണ് ബെസ്റ്റ് കൊറിയോഗ്രാഫർ അവാർഡിന് സജ്‌ന നജം അർഹയാകുന്നത്. പിന്നീട് ശേഷം കൈ നിറയെ ചിത്രങ്ങൾ സജ്‌നയെ തേടിയെത്തി
ഇപ്പോഴിതാ പുതിയ ചിത്രമായ ജോഷ്വാ യെ കുറിച്ച് മനസ്സ് തുറക്കുകയാണ് സജ്‌ന. മെട്രോമാറ്റിനിയ്ക്ക് നൽകിയ പ്രത്യക അഭിമുഖത്തിലാണ് സജ്‌ന ഇക്കാര്യങ്ങൾ വ്യക്തമാക്കിയത്.
പീറ്റർ സുന്ദര്‍ദാസിന്റെ സംവിധാനത്തിൽ ഈ മാസം 28 ന് പുറത്തിറങ്ങുന്ന ചിത്രമാണ് ജോഷ്വ. മലയാളത്തിലെ നിരവധി മുൻനിര താരങ്ങളും സിനിമയിൽ അണിനിരക്കുന്നുണ്ട് .ഇപ്പോളിതാ ജോഷ്വയിലെ ഗാനരംഗങ്ങളെ കുറിച്ചുള്ള വിശേഷങ്ങൾ പങ്കുവെക്കുകയാണ് സജ്‌ന.
‘ചിത്രത്തിലെ സംവിധായകനായ പീറ്ററും ഞാനും തമ്മിൽ വർഷങ്ങളായുള്ള ബന്ധമുണ്ട്. അവർ എന്റെ ഫാമിലിയാണ്. പിന്നീട് ചിത്രത്തിന്റെ കൊറിയോഗ്രാഫ് ചെയ്യാൻ പീറ്റർ തന്നോട് ആവശ്യപ്പെടുകയായിരുന്നു. പീറ്റർ വളരെ നന്നായി ചിത്രം ചെയിതിട്ടുണ്ട്. മകനായ ഏബൽ എന്റെ മകനെപോലെയാണെന്നും, അവന്റെ പ്രായത്തിനനുസരിച്ച് അവൻ നന്നായി അഭിനയിച്ചു. മൊത്തം 3 ഗാനമാണ് ചിത്രത്തിൽ കൊറിയോഗ്രാഫ് ചെയിതിട്ടുള്ളത്.
ഗോപി സുന്ദറിന്റെ ഗാനങ്ങളാണ് ചിത്രത്തിലുള്ളത്. ഈ ഗാനങ്ങൾ ജോഷ്വായ്ക്ക് ഒരു മുതൽ കൂട്ടാണ് – സജ്‌ന പറയുന്നു.
joshua movie