“അയാളെന്റെ സുഹൃത്ത് പോലുമല്ല ” – സ്ത്രീ വിരുദ്ധ പരാമർശത്തിൽ ഹർദിക് പാണ്ഡ്യയെ തള്ളിപ്പറഞ്ഞു കാമുകിയും..
സ്ത്രീ വിരുദ്ധ പരാമർശത്തിന്റെ പേരിൽ ഒറ്റപ്പെട്ട അവസ്ഥയിലാണ് ഹർദിക് പാണ്ട്യ . ഓസ്‌ട്രേലിയൻ ഏകദിനത്തിൽ പങ്കെടുപ്പിക്കാതെ പാണ്ഡ്യയെയും കെ എൽ രാഹുലിനെയും തിരികെ അയക്കുകയും ചെയ്തിരുന്നു. വിരാട് കോഹ്‌ലിയും ഹർഭജൻ സിങ്ങും പാണ്ട്യയെ കയ്യൊഴിയുകയും ചെയ്തു. ഇപ്പോൾ മുന്കാമുകി ഇഷ ഗുപ്തയും ഹർദിക് പാണ്ഡ്യായെ തള്ളിപ്പറഞ്ഞിരിക്കുകയാണ്.
തന്റെ സുഹൃത്ത് പോലും ആയിരുന്നില്ല പാണ്ഡ്യ എന്നാണ് ഇഷ വ്യക്തമാക്കുന്നത്.ഒരു പൊതുപരിപാടിയില്‍ വച്ച് മാധ്യമപ്രവര്‍ത്തകന്റെ ചോദ്യത്തിനായിരുന്നു ഇഷയുടെ മറുപടി. ‘അയാള്‍ എന്റെ സുഹൃത്താണെന്ന് നിങ്ങളോട് ആരാണ് പറഞ്ഞത്. സുഹൃത്തുമല്ല, കാമുകനുമല്ല. സ്ത്രീകളെ പുരുഷന്മാരുമായി താരതമ്യം ചെയ്യരുത്. എല്ലാ അര്‍ത്ഥത്തിലും ഞങ്ങളാണ് മികച്ചവര്‍. ആരെയും വേദനിപ്പിക്കാനല്ലെങ്കിലും ഒരു കാര്യം പറയാം, നിങ്ങളെന്താണ് ഒരു കുഞ്ഞിന് ജന്മം നല്‍കാത്തത്?
എല്ലാ മാസവും അഞ്ച് ദിവസം ഞങ്ങള്‍ ആര്‍ത്തവം കൊണ്ട് ബുദ്ധിമുട്ടുന്നു. അപ്പോഴും ഞങ്ങള്‍ നൃത്തം ചെയ്യുന്നു, ജോലിക്ക് പോകുന്നു, കുട്ടികളെ നോക്കുന്നു. ഇതൊക്കെ എപ്പോഴാണ് നിങ്ങള്‍ക്ക് ചെയ്യാനാവുക. ഒരാളും ഒരു സ്ത്രീയെ കുറിച്ചും മോശമായി സംസാരിക്കരുത്. നിങ്ങളുടെ കുടുംബം ഇത്തരം കാര്യങ്ങളില്‍ ആശങ്കപ്പെടുന്നില്ല എങ്കില്‍ അങ്ങനെ ചെയ്‌തോളൂ. പക്ഷെ മാനുഷികമായി അത് വളരെ തെറ്റാണ്’. ഇഷ പറഞ്ഞു
isha guptha against hardik pandya