ദിലീപിനെ ‘അമ്മ സംഘടനയിലേക്ക് തിരിച്ചെടുക്കുമോ ? ഇന്നസെന്റിന്റെ മറുപടി
യുവ നടിയെ ആക്രമിച്ച കേസിലെ കുറ്റാരോപിതനും നടനുമായ ദിലീപിനെ ‘അമ്മ സംഘടനയിലേക്ക് തിരിച്ചെടുക്കുന്ന കാര്യം ഇതുവരെ ആലോചിച്ചിട്ടില്ലെന്ന് ഇന്നസെന്റ്.അതേസമയം അമ്മയുടെ പ്രസിഡന്റ് സ്ഥാനം ഒഴിഞ്ഞത് തന്റെ സ്വന്തം ഇഷ്ട പ്രകാരമാണെന്നും അടുത്ത പ്രസിഡന്റ് മോഹൻലാൽ തന്നെയാണെന്നും ഇന്നസെന്റ് വ്യക്തമാക്കി .
ഈ മാസം 24ന് ചേരുന്ന ജനറല്‍ ബോഡി യോഗത്തില്‍ പുതിയ ഭാരവാഹികള്‍ ചുമതലയേല്‍ക്കുമെന്നും ഇന്നസെന്റ് പറഞ്ഞു. പതിനേഴ് വര്‍ഷം അമ്മ സംഘടനയുടെ പ്രസിഡന്റായിരുന്നു ഇന്നസെന്റ്.
അതേസമയം അടുത്ത തവണയും എംപി സ്ഥാനത്തേക്ക് മത്സരിക്കാന്‍ പാര്‍ട്ടി ആവശ്യപ്പെട്ടാല്‍ അനുസരിക്കു മെന്നും മാധ്യമപ്രവര്‍ത്തകരുടെ മറ്റൊരു ചോദ്യത്തിന് മറുപടിയായി ഇന്നസെന്റ് പറഞ്ഞു. ഒരുപ്രാവശ്യം എംപിയായി കഴിഞ്ഞാല്‍ വെറുതെ നമുക്ക് തോന്നാം അടുത്ത പ്രവശ്യവും ആയാല്‍ കൊള്ളാം. ഞാനവരെ കുറ്റംപറയില്ലാട്ടോ. ഈ ആകുന്ന ആളുകളെ. എംപി സ്ഥാനം ഒരു സുഖമായി കണക്കിലെടുക്കുന്ന ആളുകളെ സംബന്ധിച്ചിടത്തോളം അവര്‍ക്ക് ഇതിനോട് താല്‍പര്യം വരാം. തന്റെ നോട്ടം അതല്ലെന്നും ഇന്നസെന്റ് പറഞ്ഞു.
innocent about dileep